Nehemías 10:1-39
10 Ñucanchij ari nishcata valichingapaj sellota churajcunaca caicunami carca:
Hacaliaspaj churi mandaj* Nehemías,Sedequías,
2 Seraya, Azarías, Jeremías,
3 Pasjur, Amarías, Malkiya,
4 Hatús, Sebanías, Maluc,
5 Harim, Meremot, Abdías,
6 Daniel, Guinetón, Baruc,
7 Mesulam, Abías, Mijamín,
8 Maazías, Bilgái, Semaya runapishmi carca. Paicunami sacerdotecuna carca.
9 Levitacunaca caicunami carca: Azaniaspaj churi Jesúa, Henadadpaj churicunamanta Binuí, Cadmiel,
10 Sebanías, Hodías, Quelitá, Pelayá, Hanán,
11 Micá, Rehob, Hasabías,
12 Zacur, Serebías, Sebanías,
13 Hodías, Baní, Beninú runapishmi carca.
14 Israelitacunata pushajcunaca caicunami carca: Parós, Pahat-Moab, Elam, Zatú, Baní,
15 Buní, Azgad, Bebái,
16 Adonías, Bigvái, Adín,
17 Ater, Ezequías, Azur,
18 Hodías, Hasum, Bezái,
19 Harif, Anatot, Nebái,
20 Magpías, Mesulam, Hezir,
21 Mesezabel, Sadoc, Jadúa,
22 Pelatías, Hanán, Anaya,
23 Hosea, Hananías, Hasub,
24 Halohés, Pilhá, Sobec,
25 Rehúm, Hasabná, Maaseya,
26 Ahíya, Hanán, Anán,
27 Maluc, Harim, Baaná runapishmi carca.
28 Caishuj israelitacunaca sacerdotecuna, levitacuna, punguta cuidajcuna, cantajcuna, Diospaj huasipi sirvijcuna,* Diospaj Leyta catingapaj cꞌuchulla llajta gentecunamanta tucui chꞌicanyarijcuna, paicunapaj huarmicuna, churicuna, ushushicuna, ari nishcata intindingapaj yuyaita charijcunapishmi carca.
29 Paicunaca paicunapaj huauquicunahuanmi tandanacurcacuna. Paicunaca importante runacunami carca. Tucuicunami Diosta sirvij Moisesman cushca Dios verdaderopaj Leypi nishca shina causangapaj maldicishpa,* jurashpa ari ninacurcacuna. Shinallataj ñucanchij Amito Jehová Dios cushca tucui mandamientocunata, pai imallata rurachun nishcacunata, leycunata, mandashcacunata tucui shunguhuan cazungapajmi ari nircacuna. Paicunaca cashnami nircacuna:
30 “Cai llajta gentecunapaj churicunahuanca ñucanchij ushushicunataca mana cazarachishunchu. Ñucanchij churicunatapish paicunapaj ushushicunahuanca mana cazarachishunchu.
31 Cai llajtapi causaj gentecuna sábado punllapi imalla cꞌatunacunata, tucui laya granocunata cꞌatunaman shamujpica sábado punllapipish, Diospaj agllashca shujtaj punllapipish imata mana randishunchu. Séptimo huatapica allpataca samachishunmi, tucui dibicunatapish mana cobrashunchu.
32 Ashtahuanpish ñucanchij Diospaj huasipi imallatapish rurachunca huatapica cada unomi shuj siclota* quimsapi chaupishpa shuj parteta cungapaj ari nishcanchij.
33 Montonashca tandacunapaj,* punllanta cuna grano ofrendapaj, sábado punllapi rupachishca ofrendapaj, llullu lunapi cuna ofrendapaj, agllashca punllapi fiestacunapaj, Diospajlla chꞌicanyachishca ofrendacunapaj, israelitacunapaj culpata anchuchij juchamanta cushca ofrendacunapaj, ñucanchij Diospaj huasipi tucui imalla ruraicunapajpish cungapajmi ari nishcanchij.
34 Shinallataj sacerdotecuna, levitacuna, caishuj israelitacuna según paicunapaj yayapaj familia huatanta ñucanchij Diospaj huasiman huatapi ima hora yantata apana cashcata ricungapajmi sorteashcanchij. Chai yantataca Leypi quillcashca shinami ñucanchij Jehová Diospaj altarpi rupachina can.
35 Huatantami ñucanchij chagracunapi punta pꞌucushca granocunata, tucui yuracunapi punta pꞌucushca frutacunata Jehová Diospaj huasiman apashun.
36 Shinallataj Leypi quillcashca shinaca ñucanchij punta churicunata, ñucanchij animalcunamantapish vacacunapaj, ovejacunapaj, chivocunapaj punta huacharishcacunatami apashun. Tucuitami ñucanchij Diospaj huasiman apashun. Ñucanchij Diospaj huasipi sirvij sacerdotecunapajmanmi apashun.
37 Ñucanchij Diospaj huasipi huaquichina cuartocunapi* churangapajpish sacerdotecunapajmanmi ñucanchij cutashca punta racu harinata, ñucanchij ofrendacunata, tucui yuracunapi pꞌucushca granocunata, mushuj vinota, aceitetapish apashun. Shinallataj levitacunapajca ñucanchij chagracunapi pꞌucushca granocunamantaca cada chungamanta shujtami* apashun. Paicunami granocunata pꞌucuj tucui llajtacunapica cada chungamanta shujta japincuna.
38 Aaronpaj familiamanta caj shuj sacerdotemi levitacuna cada chungamanta shujta japicujpica chaipi cana can. Levitacunaca cada chungamanta shujta japishcataca ñucanchij Diospaj huasipaj, chai huasipi huaquichina cuartocunapi churangapajmi cada chungamanta shujta cuna can.
39 Israelitacunapish, levitacunapaj huahuacunapish granocunata, mushuj vinota, aceitetaca huaquichina cuartocunamanmi apana can. Diospaj huasipi tiyaj cosascunapish, sirvicuj sacerdotecunapish, punguta cuidajcunapish, cantajcunapish chaipimi can. Ñucanchij Diospaj huasitaca mana cungarishunchu” nircacunami.
Notacuna
^ O “tirsatá”. Persiamanta cajcunami shuj provinciata mandajtaca chashna shutichijcuna carca.
^ O “netineocuna”. Hebreo rimaipica: “entregashcacuna” ninmi.
^ “Maldicina” shimita huasha diccionariopi ricui.
^ Shuj sicloca 11.4 gramocunatami charirca. Ayuda B14-ta ricui.
^ Caipica Diosman cushca tandamantami parlacun.
^ O “micuna cuartocunapi”.
^ O “diezmotami”.
