1 Crónicas 25:1-31
-
Diospaj huasipi musicata tocajcunamanta, cantajcunamanta (1-31)
25 Shinallataj Davidpish, Diospaj huasipi sirvijcunata pushajcunapish Asafpaj, Hemanpaj, Jedutunpaj huaquin churicunatami arpacunahuan, cuerdata charij instrumentocunahuan, cimbalocunahuan Diosta alabachun chꞌicanyachircacuna, Dios imalla nishcata huillachunpishmi chꞌicanyachircacuna. Diospaj huasipi sirvingapaj agllashca runacunaca caicunami carca.
2 Asafpaj churicunamantaca Zacur, José, Netanías, Asarelapishmi carca. Paicunataca paipaj yaya Asafmi pushaj carca. Cutin Asafca rey mandajpimi Dios ima nishcata huillaj carca.
3 Jedutunpaj sujta churicunaca Guedalías, Zerí, Jesayá, Simeí, Hasabías, Matitiaspishmi carca. Paicunataca paipaj yaya Jedutunllatajmi pushaj carca. Jedutunca Dios ima nishcata huillajmi carca. Shinallataj arpahuanmi Jehová Diosta pagui nishpa alabaj carca.
4 Hemanpaj churicunamantaca Buquías, Matanías, Uziel, Sebuel, Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir, Mahaziotpishmi carcacuna.
5 Tucui caicunami Hemanpaj churicuna carca. Hemanca Diosta jatunyachingapajmi muscuipi shina ricushcacunata reyman huillaj carca. Diosca Hemanmanca 14 churicunata, quimsa ushushicunatami curca.
6 Tucui paicunami Jehová Diospaj huasipi paipaj yaya Hemán pushajpi cantajcuna carca. Paicunaca cimbalocunahuan, cuerdata charij instrumentocunahuan, arpacunahuanmi Diospaj huasipica sirvijcuna carca.
Asafpish, Jedutunpish, Hemanpish rey mandajpimi trabajocunataca rurajcuna carca.
7 Paicunapish, paicunapaj huauquicunapish tucuica 288-mi carcacuna. Paicunaca Jehová Diosman cantangapajmi yachachishcacuna carca. Chaimantami paicunaca alli cantajcuna carca.
8 Chaimi yuyajcuna cajpipish, jovencuna cajpipish, alli yachajcuna cajpipish, cunanlla yachajcuna cajpipish cada uno imata rurana cashcata yachangapaj sortearcacuna.
9 Sorteajpica puntaca Asafpaj churi Josepajmi urmarca. Puntapaj qꞌuipaca Guedaliaspaj, paipaj huauquicunapaj, paipaj churicunapajmi urmarca, tucuica 12-mi carcacuna.
10 Ishquipaj qꞌuipaca Zacurpaj, paipaj churicunapaj, paipaj huauquicunapajmi urmarca, tucuica 12-mi carcacuna.
11 Quimsapaj qꞌuipaca Izripaj, paipaj churicunapaj, paipaj huauquicunapajmi urmarca, tucuica 12-mi carcacuna.
12 Chuscupaj qꞌuipaca Netaniaspaj, paipaj churicunapaj, paipaj huauquicunapajmi urmarca, tucuica 12-mi carcacuna.
13 Pichcapaj qꞌuipaca Buquiaspaj, paipaj churicunapaj, paipaj huauquicunapajmi urmarca, tucuica 12-mi carcacuna.
14 Sujtapaj qꞌuipaca Jesarelapaj, paipaj churicunapaj, paipaj huauquicunapajmi urmarca, tucuica 12-mi carcacuna.
15 Canchispaj qꞌuipaca Jesayapaj, paipaj churicunapaj, paipaj huauquicunapajmi urmarca, tucuica 12-mi carcacuna.
16 Pusajpaj qꞌuipaca Mataniaspaj, paipaj churicunapaj, paipaj huauquicunapajmi urmarca, tucuica 12-mi carcacuna.
17 Iscunpaj qꞌuipaca Simeipaj, paipaj churicunapaj, paipaj huauquicunapajmi urmarca, tucuica 12-mi carcacuna.
18 Número 11-pica Azarelpaj, paipaj churicunapaj, paipaj huauquicunapajmi urmarca, tucuica 12-mi carcacuna.
19 Número 12-pica Hasabiaspaj, paipaj churicunapaj, paipaj huauquicunapajmi urmarca, tucuica 12-mi carcacuna.
20 Número 13-pica Subaelpaj, paipaj churicunapaj, paipaj huauquicunapajmi urmarca, tucuica 12-mi carcacuna.
21 Número 14-pica Matitiaspaj, paipaj churicunapaj, paipaj huauquicunapajmi urmarca, tucuica 12-mi carcacuna.
22 Número 15-pica Jeremotpaj, paipaj churicunapaj, paipaj huauquicunapajmi urmarca, tucuica 12-mi carcacuna.
23 Número 16-pica Hananiaspaj, paipaj churicunapaj, paipaj huauquicunapajmi urmarca, tucuica 12-mi carcacuna.
24 Número 17-pica Josbecasapaj, paipaj churicunapaj, paipaj huauquicunapajmi urmarca, tucuica 12-mi carcacuna.
25 Número 18-pica Hananipaj, paipaj churicunapaj, paipaj huauquicunapajmi urmarca, tucuica 12-mi carcacuna.
26 Número 19-pica Malotipaj, paipaj churicunapaj, paipaj huauquicunapajmi urmarca, tucuica 12-mi carcacuna.
27 Número 20-pica Eliatapaj, paipaj churicunapaj, paipaj huauquicunapajmi urmarca, tucuica 12-mi carcacuna.
28 Número 21-pica Hotirpaj, paipaj churicunapaj, paipaj huauquicunapajmi urmarca, tucuica 12-mi carcacuna.
29 Número 22-pica Guidaltipaj, paipaj churicunapaj, paipaj huauquicunapajmi urmarca, tucuica 12-mi carcacuna.
30 Número 23-pica Mahaziotpaj, paipaj churicunapaj, paipaj huauquicunapajmi urmarca, tucuica 12-mi carcacuna.
31 Número 24-pica Romamti-Ezerpaj, paipaj churicunapaj, paipaj huauquicunapajmi urmarca, tucuica 12-mi carcacuna.
