LECCIÓN 07
¿Jehová Diosga imashinadi gan?
Jehová Diosbi yuyashaga, ¿imashina gajtadi yuyangui? ¿Tucui poderta charishcamunda, estrellaguna y galaxiaguna shina carubi gashcadallu yuyangui? ¿O ashca poderta charishash rayo shina gashcadallu yuyangui? Pero, ¿Jehová Diosga imashinadi gan? Jehová Dios paibu palabra Bibliabimi pai imashina gashcada rricuchin. Shinalladi, ñucunchigunamunda preocuparishcadami yachachin.
1. ¿Imamundadi Taita Diosdaga na rricui pudinchi?
Jehová “Diosga shuj espiritumi” gan (Juan 4:24). Diosga na ñucunchi shina aichaiyuj tulluyujllu gan. Pai shuj espíritu gashcamundami jahua cielobi causan, chai lugardaga na rricui pudinchillu.
2. ¿Jehová Diosga imashinadi gan?
Jehová Diosda na rricui pudishash, pai de verdad tiyashcada y alli cualidadgunada charishcada yachashmi, paida juyai callarinchi. Bibliabiga ninmi: “Jehová Diosga alli rrurraigunada juyanmi, shinalladi shungumunda sirvijgunadabish na saquingallu” (Salmo 37:28). Shinalladi, ashcada sufrijuj gentegunaunmi paiga “demas juyaj, llaquijmi gan” (Santiago 5:11). “Jehová Diosga shungu ucubi demas llaqui gajgunabu mayabimi, shinalladi desanimarishca sintirijgunadashmi salvanga” (Salmo 34:18). ¿Ñucunchi rrurrashcagunaun Jehová Diosda contento o triste sintichi pudishcadaga yacharcanguillu? Majinbish na alli cosasgunada rrurrashaga, Taita Diosdami llaquichinchi (Salmo 78:40, 41). Pero Diosda cazujga paidami contentachin (Proverbios 27:11-da liyi).
3. ¿Imashinadi Jehová Dios ñucunchida juyashcadaga rricuchin?
Jehová Diosbu cualidadgunamundaga, juyaimi más importante gan. Chaimundami, Bibliabiga “Diosga juyajmi gan” nin (1 Juan 4:8). Jehová Dios paibu juyaida rricuchingabumi Bibliada y tucui cosasgunada rrurrashca (Hechos 14:17-da liyi). Por ejemplo, ñucunchigunada imashina rrurrashcada yuyai. Tucui laya colorgunada rricullun, diferente musicagunada uyallun, y mishqui micunagunada micullunmi rrurrashca. Paiga contentos causallunmi munan.
CAI TEMAMUNDA MÁS YACHASHUNCHI
Jehová Dios tucui cosasgunada rrurrangabu imada utilizashcadami rricushun. Jipaga paibu cualidadgunada imashina rricuchishcadami yachashun.
4. Espíritu santoga: Diosbu podermi gan
Ñucunchigunaga trabajangabu maquigunadami utilizanchi. Pero Jehová Diosga paibu espíritu santodami utilizan. Bibliaga espíritu santo shuj persona gashcadaga na ninllu, chaibu rrandiga tucui cosasgunada rrurrangabu Diosbu fuerza gashcadami nin. Lucas 11:13 y Hechos 2:17-da liyish, chaimunda parrlaichi:
-
Diosga paibu espíritu santodaga, paida mañajgunabu jahuabimi jichanga. Chaimunda, ¿espíritu santo shuj persona gashcada, o más bien Diosbu fuerza gashcadallu yuyangui? ¿Imamundadi shina yuyangui?
Jehová Diosga tucui cosasgunada rrurrangabumi paibu espíritu santoda utilizan. Salmo 33:6 y 2 Pedro 1:20, 21-da liyish, chaimunda parrlaichi:
-
¿Jehová Diosga paibu espíritu santodaga imashinadi utilizashca?
5. Jehová Diosga juila cualidadgunadami charin
Moisesga Jehová Diosdaga allimi sirvirca. Shinabish, paida rrurrajtami ashtaun rrijsinada munarca. Chaimundami Moisesga nirca: “Canda rrijsingabuga canbu ñangunada rricuchibai” (Éxodo 33:13). Jehová Diosga paibu cualidadgunamunda parrlashmi contestarca. Éxodo 34:4-6-da liyish, chaimunda parrlaichi:
-
¿Jehová Diosga Moisesmunga majin cualidadgunamundadi parrlarca?
-
¿Canga Jehová Diosmundaga majin cualidadgunadadi ashtaun munangui?
6. Jehová Diosga gentegunamundaga preocuparinmi
Dios agllashca pueblo israelitagunaga ñaupa funchagunabiga Egipto llactabimi esclavoguna garca. ¿Paibu pueblo sufrijujta rricushaga, Jehová Diosga imashinadi sintirirca? AUDIODA uyash lecturada cati, o solo Éxodo 3:1-10-da liyish, chaimunda parrlaichi:
-
Jehová Dios genteguna sufrijujta rricush, ¿imashina sintirishcadadi cai textogunaga yachachin? (Versículos 7 y 8-da rricuichi).
-
¿Jehová Dios gentegunada ayudasha nishcadallu cringui? ¿Ayudai pudishcadallu cringui? ¿Imamundadi shina yuyangui?
7. Jehová Dios rrurrashcagunabimi paibu cualidadgunada rricunchi
Jehová Dios pai rrurrashca cosasgunabimi pai imashina gashcada rricuchishca. VIDEODA rricuichi. Jipaga Romanos 1:20-da liyish, chaimunda parrlaichi:
-
¿Jehová Dios rrurrashcagunabiga ima cualidadgunadadi rricungui?
HUAQUINGUNAGA NINMI: “Diosga tucui ladobi gaj shuj fuerzami gan, paidaga shuj personada shina na rrijsi pudinchillu”.
-
¿Quiquinga imadadi yuyangui?
-
¿Imamundadi shina yuyangui?
RESUMEN
Jehová Diosga shuj espiritumi gan, chaimundami na rricui pudinchi. Juila cualidadgunadami charin, pero ashtaun yalliga juyaimi gan.
Repaso
-
¿Imamundadi Jehová Diosdaga na rricui pudinchi?
-
¿Espíritu santoga imadi gan?
-
¿Jehová Diosbu cualidadgunaga majingunadi gan?
ASHTAUN YACHAI
Jehová Diosbu chuscu importante cualidadgunada rricush paimunda ashtaun yachai.
Jehová Dios tucui ladogunabi na gashcada huaquin pruebagunada rricui.
“¿Está Dios en todas partes? ¿Es omnipresente?” (Artículo de jw.org)
Biblia imamunda espíritu santoda Diosbu “maqui” nishcada rricui.
Shuj na rricuj jaribuga, Taita Dios paimunda preocuparijta crinaga na jahuallallu garca. Imamunda paibu yuyaida cambiashcada yachai.
“Ahora siento que puedo ayudar a los demás” (La Atalaya, 1 de octubre de 2015)
