LECCIÓN 50
¿Familia ucubiga imashinadi contento causai pudinchi? (Parte 2)
Huahuagunaga Jehová Dios cushca regalomi gan. Chaimundami Diosga taitamamaguna huahuagunada alli huiñachillunga alli consejogunada cush ayudan. Shinalladi familia ucubi tucuiguna alli causallunmi huahuagunamun alli consejogunada cun.
1. ¿Jehová Diosga taitamamagunamun ima consejogunadadi cun?
Jehová Diosga taitamama paigunabu huahuagunada juyash, paigunaun tiempoda pasallunmi munan. Shinalladi ima peligrogunamunda cuidash, Bibliabu consejogunaun yachachish huiñachillunmi munan (Proverbios 1:8). Huahuagunada huiñachinamunda parrlashaga, Jehová Diosga taitamamagunamunga cai consejodami cun: “Jehová Dios mandashca shina aconsejash, [...] yachachishmi huiñachina ganguichi” (Efesios 6:4-da liyi). Jehová Diosga taitamamaguna huahuagunada pai mandashca shina huiñachijpiga contentomi sintirin, chaimunda cutishujguna paigunabu huiñachillunga na saquinallu gan.
2. ¿Jehová Diosga ima consejogunadadi huahuagunamunga cun?
Jehová Diosga huahuagunadaga “cangunabu taitamamada tucuibi cazuichi” ninmi (Colosenses 3:20-da liyi). Huahuaguna taitamamada cazush, respetashaga paigunada y Jehová Diosdashmi contento sintichin (Proverbios 23:22-25). Jesusga jucha illaj huahuami garca; paibu taitamama imperfectos gajpish paiga siempremi cazurca y respetarca (Lucas 2:51, 52).
3. ¿Tucui familiaguna Jehová Diosbu alli amigo tucungabuga imadadi rrurrana gan?
Huahuagunada charishaga, can Jehová Diosda juyashca shina, juyallunmi ayudana gangui. ¿Chaibuga imadadi rrurrana gangui? Bibliabu cai consejoda cati: Jehová Diosbu nishcagunadaga “canbu huahuagunamunmi cada funcha huasibi cainash, ñanbi purijush, puñungabu sitarijush y jatarijushash vuelta vuelta yachachina gangui” (Deuteronomio 6:7). Vuelta vuelta yachachinaga allimi gan. Huahuagunamun vuelta vuelta yachachijpi paiguna chaida na cungarinadaga canga allimi yachangui. Cai textoga huahuagunamun Jehová Diosmunda yachachingabu taitamamaguna tucui oportunidadta aprovechana gashcadami nisha nin. Ashtaun, cada semana familiaguna tandalla Bibliada estudiangabumi tiempoda surcuna gan. Huahuagunada na charishash, cada semana Bibliada estudiangabu esforzarinaga allimi gan.
CAI TEMAMUNDA MÁS YACHASHUNCHI
Familiaguna contento, alli sintirillun huaquin consejogunada yachashunchi.
4. Canbu huahuagunadaga juyaiun yachachi
Huahuagunada huiñachinaga na jahuallallu gan. ¿Bibliabu consejogunaga imashinadi ayudai pudin? Santiago 1:19, 20-da liyish, chaimunda parrlaichi:
-
¿Taitamamaguna huahuagunaun parrlajushaga imashinadi juyaida rricuchina gan?
-
¿Taitamamaguna colerashca gashaga imamundadi paibu huahuagunadaga na castigana gan? a
5. Canbu huahuagunada cuidai
Huahuagunada cuidanaga importantemi gan, chaimundami paigunamun sexualidadmunda parrlana gangui. Chaimunda parrlanaga na jahuallallu ganga. VIDEODA rricush caimunda parrlaichi:
-
¿Sexualidadmunda parrlanaga imamundadi huaquin taitamamagunabuga na jahualla gan?
-
¿Cai temamunda huahuagunaun parrlallunga imadi taitamamagunadaga ayudashca?
Bibliabi nishca shinaga, cai mundoda Diablo mandajushcamundami ashtaun millai cosasguna tiyan. 2 Timoteo 3:1, 13-da liyish, chaimunda parrlaichi:
-
Verso 13-bi parrlashca huaquin malo gentegunaga menor de edad huahuagunadami violan. Shinaga, ¿imamundadi taitamamaguna sexualidadmunda huahuagunamun parrlanaga importante gan? ¿Huahuagunada ama violallun cuidangabuga imadadi rrurrana gan?
¿Yacharcanguillu?
Testigo de Jehovagunaga taitamamaguna sexualidadmunda paigunabu huahuagunamun yachachillunmi huaquin publicaciongunada llujchishca, chai publicaciongunaunmi huahuagunada ama violallun cuidan. Huaquin publicaciongunaga caigunami gan:
-
Protejan a sus hijos (video)
-
“Cómo hablar de sexo con su hijo” (¡Despertad!, núm. 5 2016)
6. Taitamamada respetai
Huahuaguna y jovengunash taitamamadaga respetanami gan, chai respetodaga parrlashcaun, rrurrashcaunmi rricuchina gan. VIDEODA rricush caimunda parrlaichi:
-
¿Jovengunaga imamundadi paigunabu taitamamaun respetoun parrlana gan?
-
¿Jovenguna taitamamada respetashcadaga imashinadi rricuchina gan?
Proverbios 1:8-da liyish, chaimunda parrlaichi:
-
¿Taita o mama imadash rrurrallun mandajpiga jovenga, imadadi rrurrana gan?
7. Familiaun Jehová Diosda adoraichi
Testigo de Jehovagunaga Jehová Diosda cada semana familiaun adorangabumi tiempoda surcun. ¿Familiaun Diosda adoranaga imashinadi gan? VIDEODA rricush caimunda parrlaichi:
-
¿Cada semana familiaun Diosda adorana tutada charingabuga imadi ayudanga?
-
¿Taitamamagunaga familiaun Diosda adorana tutabi tucuiguna contento yachallunga imadadi rrurrana gan? (Callari fotoda rricui).
-
Can, familiaun Diosda adorana tutada rrurrangabu, ¿jarcaigunada charishcanguillu? ¿Ima jarcaiguna?
Ñaupa tiempobi, Jehová Diosga israelitaguna paida adorallunmi munarca. Deuteronomio 6:6, 7-da liyish, chaimunda parrlaichi:
-
¿Cai consejodaga imashinadi fajtachi pudingui?
Familiaun Diosda adorana tutabi caigunada rrurrai:
-
Tandanajuigunabu alli preparari pudinguichi.
-
Familia munashca Bibliabu ejemplogunada liyish comentai.
-
Huahuagunada charishaga, jw.org paginabi huahuagunabu informaciongunada descargai o imprimi.
-
Joven huahuagunada charishaga, jw.org paginamunda jovengunabu shuj informacionda agllai.
-
Bibliamunda shuj historiada agllash, shuj dramada rrurraichi.
-
Jw.org paginamunda shuj videoda rricush, chaimunda parrlaichi.
HUAQUINGUNAGA NINMI: “Huahuagunamun Bibliamunda yachachinaga shinchimi gan”.
-
¿Canga imadadi yuyangui?
RESUMEN
Jehová Diosga taitamamaguna paigunabu huahuagunada juyallun, alli yachachillun, cuidallunmi munan. Huahuagunabish paigunabu taitamamada respetash, cazunami gan, shinami tucui familia Jehová Diosda alli adoranga.
Repaso
-
¿Taitamamagunaga imashinadi paigunabu huahuagunada alli yachachina y cuidana gan?
-
¿Huahuagunaga taitamamada respetashcadaga imashinadi rricuchina gan?
-
¿Cada semana Familiaun Diosda adorangabu tiempoda surcushaga imashinadi beneficiaringui?
ASHTAUN YACHAI
¿Huahuaguna ña joven tucujpiga ima informaciondi ayudanga?
“6 lecciones imprescindibles para sus hijos” (¡Despertad!, núm. 2 2019)
Mayorgunada cuidangabu huaquin consejogunada rricui.
“¿Espera Dios que cuidemos a los padres cuando se hacen mayores?” (Artículo de jw.org)
Shuj jariga huahuagunada imashina huiñachinadaga na yacharcallu, jipa imashina shuj alli taita tucushcada rricui.
Taitamamaguna paigunabu huahuagunaun imashina alli apai pudishcada yachai.
“¿Qué puede hacer un padre para no distanciarse de su hijo?” (La Atalaya, 1 de noviembre de 2011)
a Bibliabi disciplinamunda parrlashaga, alli consejogunada cush yachachina gashcadami nisha nin. Huahuagunada tacash, maltratana gashcadaga na nisha ninllu (Proverbios 4:1).
