ACOMODADORES HUAUQUIGUNA. Paiguna cangunada ayudanga, por ejemplo: imashina cai tandanajui lugarda cuidanada, maida purinada, maibi tiyarina gashcada y cutishuj instrucciongunada cujpiga cazunami ganchi.

ASIENTOGUNA. Pushtugunada canbu familiamun, Bibliamunda estudiantegunamun o caun shamujgunallamunmi japish huaquichina gangui.

BAUTIZARIJGUNAMUN. Plataforma ñaupujpi gaj punta asientogunaga bautizarijgunabumi gan. Sábado tutamunda bautizarigrijgunamun narij discurso callarijpimi, bautizarijgunaga chai asientogunabimi tiyarina gan. Bautizaringabu shuj toalla y yacubi yaicungabu shuj ropadami apamuna gan.

CONTRIBUCIONGUNA. Cai asambleada charingabuga, alli asientogunada, audio y videogunada, shinalladi cutishuj cosasgunada alquilangabu o rrandingabumi ashca gastogunada charishcanchi. Chashnami cai asambleabi ashtaun yachash Jehová Diosmi mayayai pudinchi. Canguna shungumunda cushca contribuciongunami cai gastogunada pagangabu y obra mundialda apoyangabu ayudan. Cai asambleabiga huaquin caja de contribuciongunadami charinchi, chaibimi quiquingunabu contribucionda churai pudinguichi. Shinalladi internetbimi donate.jw.org paginabi cangunabu donaciongunada cachai pudinguichi. Canguna cushca contribuciongunamunda ashcada agradicinchi. Shinalladi Cuerpo Gobernantemunda huauquigunaga Taita Diosbu obra ñaupujmun catillun ayudajushcamundami ashcada agradicinajun.

CHINGASHCA COSASGUNA. Imada tarishaga chingashca cosasgunabi gaj huauquigunamunmi entregana gangui. O imadash chingachishaga chaimunmi mascangabu rrina gangui. Shinalladi chingashca huahuagunadami chai pushtumun apana gangui. Huahuagunada ama chingachish preocuparingabu rricurashmi cuidana ganguichi.

PRIMEROS AUXILIOS. Chaimunga na alli sintirish o imash nanajpillami rrina gangui.

SERVICIO VOLUNTARIO. Cai asambleabi ashtaun ayudasha nishaga Departamento de Información y Servicio Voluntario nishcamunmi rrina gangui.