Diospa Palabranta yachakurqa, llapan shonquntsikwanmi yachakunantsik, tsëmi yanapamäshun Jehovä munanqannö pensanapaq y imata rurëta munarpis pë ninqankunata cuentaman churëkur ruranapaq. Esdrasnömi ruranantsik, pëqa “llapan shonqunwanmi Jehovä Diospa Leyninta yachakurqan y cäsukurqan” (Esd. 7:10). Y tsëpaqqa, ¿imatataq rurankiman?

Jehoväman mañakuy. Diospa Palabranta estudiarqa, manaraq qallarnin Diosnintsikman mañakuy yachakunqëkita entiendinëkipaq y yachakunqëkinö ruranëkipaq (Sal. 119:18, 34).

Humildi kë. Diosnintsikqa manam orgullösukunata ni kikinkunallaman confiakoqkunataqa yanapantsu Palabranta entiendiyänampaq (Lüc. 10:21). Tsëmi wakinkunapita mas yachaq këta munarllaqa estudianëkitsu. Yachakuykarnin imachöpis alliyänëki faltanqanta cuentata qokurqa, humildim kanëki y cambiukunatam ruranëki.

Cancionkunata wiyë. Müsicaqa shonquntsikyaqmi chärin, y Diosnintsikta kushishqa adorar qallanapaqmi yanapamantsik. Tsëmi alli kanman manaraq estudiar juk cancionta wiyarinqëki, tsëmi yanapashunki yachakuykanqëkita entiendinëkipaq y yachakunqëkinö ruranëkipaq.