2018 wata 24 de enëru killam, mierculis qoya Estädus Unïdus y Canadä Betelchö familiakunata willayarqan, Kenneth Cook, (papänimpapis tsënömi jutin karqan) wawqi, Jehoväpa Testïgunkunata Pushaqkunaman yapakärinqanta.

Wawqi Cookqa, Pensilvania (Estädus Unïdus) markachömi yurikurqan y winarqan. Colegiuchö estudiunta ushanampaqna këkaptinmi juk estudiaq mayin Diospita yachatsirqan y 1980 wata 7 de juniu killam bautizakurirqan. 1982 wata 1 de septiembrim, precursor këta qallarqan. Y ishkë wata pasariptinmi Betelchö yanapakunampaq invitariyarqan. Y 1984 wata 12 de octubri killam, Wallkill (Nueva York) markachö këkaq Betelchö yanapakur qallarqan.

Wawqi Cookqa imprentachö, Betel oficïnachö y maskunachömi 25 watapa yanapakurqan. Y 1996 watam Jamie jutiyoq paniwan casakurirqan, y ishkanmi Wallkillchö yanapakur qallayarqan. 2009 wata diciembri killachönam Patterson Betelchö këkaq Centro Educativo de la Watchtower nishqanman ëwakuyarqan. Tsëchömi wawqi Cooktaqa Publicacion Escribeqkunata Rikaqkuna nishqan oficïnachö trabajanampaq churayarqan. 2016 wata abril killachönam ichik tiempupa Wallkillchö këkayaptin, wawqi Cooktaqa warmintawan Brooklyn markachö këkaq Betelman ëwanampaq mandayarqan. Y, pitsqa killa pasariptinmi Warwick markachö këkaq Testïgukunapa Principal Oficïnankunaman mandayarqan. Y 2017 wata enëru killachönam, wawqi Cooktaqa Publicacion Qellqaqkunata Rikaqkunapa Yanapaqnin kanampaq churayarqan.