Jehoväta sirwinqantsikchöqa, llapantsikmi allikunata ruranqantsikpita reqishqa këta puëdintsik. Imanömi juk papäqa wamran allikunata ruranqanta qonqëkuntsu, tsënöllam Jehoväpis allikunata ruranqantsikta y jutinta kuyanqantsikta qonqëkuntsu (Mt 6:20; Heb 6:10). Jehoväpaq ruranqantsikkuna jukläya kaptimpis, llapan puëdinqantsikmannö sirwinapaq kallpachakurqa kushishqam sientikushun (Gäl 6:4; Col 3:23). Unëpita patsëmi mëtsikaq wawqikuna y panikunaqa Betelchö yanapakuyashqa. ¿Noqantsikpis pëkunanölla yanapakïta puëdishwanku? Y yanapakïta mana puëdirqa, ¿pillatapis Betelchö yanapakunampaq nirita o juk familiantsik tsëchö yanapakur sïguinampaq yanaparishwanku?

¿IMATATAQ RURANËKI BETELCHÖ YANAPAKUNËKIPAQ? NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Imarëkurtaq Betelchö yanapakïta munashwan?

• Betelchö yanapakuyanqanqa, ¿imanö yanapashqa kanqantataq wakinkuna niyashqa?

• Betelchö yanapakïta munaqkunaqa, ¿imakunatataq rurayänan?

• ¿Imatataq ruranantsik Betelman yanapakoq ëwanapaq?