IMANIRTAN NUNAKUNAQA MANTSAKUYAN. Kanan witsan suwakuna mas miraptinmi, nunakunaqa punkunkuna kichëta mantsakuyan. Tsëmi yachatsikoq ëwashqa wakin nunakunaqa wayin rurinllapita o ventänankunallapita parlapämantsik. Tsëmi hörataqa wiyamënintsikta mana munayanqanta pensar raslla ëwakushwan.

IMANÖTAN KË NUNAKUNATA YACHATSISHWAN

• Mana wiyakuyänampaq kaqtaqa manam pensanantsiktsu. Punkukunata kichëta mantsakurnimpis, parlapashqaqa ventänankunallapa o wayinkuna rurinllapitapis wiyakuyta munayanmi.

• Yarpäshun, nunakunaqa wayinkunata manaraq tokakushqapis imata parlëkanqantsikta wiyëkämashwanmi.

• Pillapis wayin rurinllapita parlapämashqaqa, pëkunata rikëkaqnömi kushishqalla parlapänantsik.

• Pëkunawan parlar usharishqapis, yanaqintsikwan imata parlëkanqantsikta wiyarëkämashwanmi. Tsëmi imatapis parlanqantsikchö cuidädu kanantsik.