‘Ushanan junaqkunachöna’ kawashqam problëmakunaqa mas y mas mirëkan (2Ti 3:1; Mt 24:8). Ima desgraciallapis pasakuptin imata ruranapaq kaqtaqa seguïdum Jehoväpa Testïgunkunata Pushaqkuna yachëkätsimantsik. Tsënö yachatsimanqantsikkunata kananllapitana wiyakurninqa, ima desgraciakuna pasakuptimpis ima rurëta musyashunnam (Lü 16:10).

• Bibliata seguïdu leyishun. Cada junaq Bibliantsikta leyishun y Jehoväpita imëkanöpa yachatsikunapaq churapakäshun. Juk tiempupa wawqi panikunawan juntu këta mana puëdirnimpis ama llakikushuntsu (Is 30:15). Yarpäshun Jehoväwan Jesusqa noqantsikwanmi imëpis këkäyanqa (od-S päg. 175, 176 pärrk. 15-17).

• Alistapakushun. Manam musyantsiktsu imë ima desgraciapis pasakunampaq kaqta, tsëmi mochïlantsikllatatsu tiempullawanna alistanantsik, sinöqa mikuykunata, yakuta y wananqantsik jampikunatapis alistapakunantsikmi, tsënöpa juk tiempupa wayipita yarquyta mana puëdirnin tsëkunawan kawanapaq (Pr 22:3; g17.5-S pägk. 4, 6).

¿IMATATAQ RURASHWAN DESGRACIAKUNA MANARAQ CHÄMUPTIN? NEQ VIDEUTA RIKÄRIR, KË TAPUKUYKUNATA CONTESTË:

• Ima desgraciapis manaraq pasakuptin, ¿imanirtan Bibliantsikta alli leyinantsik?

• ¿Imanirtan creikoqkunata rikaq wawqikunawanqa parlarëkänantsik?

  • ¿Imanirtan puntallapitana wananqantsikkunata juk mochïlaman alistanantsik?

  • ¿Imanirtan puntallapitana familiantsikwan parlanantsik täranqantsik markachö ima desgracia pasakuyta puëdinqanta y tsëkunachö imata ruranapaq kaqta?

• ¿Imanötan jukkunata yanapashwan?

Coronavïrus qeshyapitaqa (COVID-19), ¿imatatan yachakurquntsik?