Llapan shonquntsikwanmi Diostaqa cäsukunantsik (Pr 3:1). Tsëmi Diospita nunakunata yachatsirninqa yachakuyanqanmannö kawayänampaq yanapashun. ¿Imanötan tsëtaqa rurashwan?

Bibliapita yachatsinqantsik nunakunata yanapashun, Bibliachö yachakuyanqankuna kawëninkunachö imanö yanapanqanta y Jehoväta mas kuyayänampaq. Jehoväqa kuyamarnintsik, llakipämarnintsik y alli kar imëkatapis mandamanqantsiktam rikätsinantsik. Y yachakuyanqampita imata pensayanqanta musyanapaq shumaqlla tapupäshun. Mana allikunata manana rurarninqa alli kawakuyänampaq kaqta rikätsishun. Bibliapita yachatsinqantsik nunakuna Jehovä munanqannö kawar qallëkuyaptinqa alläpam kushikuntsik.

DIOSTA SIRWIYÄNAMPAQ NUNAKUNATA YANAPARQA KUSHISHQA KASHUN, ALLI YACHATSIKOQ KARMI: YACHAKUYANQANMANNÖ KAWAYÄNAMPAQ YANAPASHUN NEQ VIDEUTA RIKÄRIR KË TAPUKUYKUNATA CONTESTË:

• ¿Imanirtan Rïtaqa martischö parlayanqampaq Rösata tapurqan?

• ¿Imanötan Rïtaqa Rösata yanaparqan, Jehovä mandakunqankunaqa biennimpaq kanqanta?

• ¿Imanötan Rïtaqa yanaparqan, Jehoväta Rösa kuyanqanta rikätsikunampaq?