Pascua fiesta imanö rurakar qallanqantaqa manam imëpis qonqashuntsu. Tsë paqasmi Egiptuchö mayor kaq tsurikuna wanuyashqa kayanqanta musyëkur faraon Moisesta kënö nirqan: “Qamkuna y Israel mayikikunapis kë nacionpita raslla ewkuyë. Kananqa mañakayämanqëkinö Teyta Diosta adoraq ewkuyë.” (Ex 12:31). Musyanqantsiknöpis Jehovämi sirweqninkunata yanaparqan.

Kanan witsampis tsënöllam Teytantsik Jehoväqa sirweqnïkunata cuidëkan y yanapëkan. Tsëtam rikätsikun Warwick Betelchö, “Jehoväpa jutinta apanampaq akrashqa marka” neqta rikänapaq rurayämunqanchö.

WARWICKCHÖ RURAYANQANKUNA: “JEHOVÄPA JUTINTA APANAMPAQ AKRASHQA MARKA” NEQ VIDEUTA RIKÄRIR KËKUNATA CONTESTARI:

• ¿Imatatan rurayarqan 1914 watachö Bibliata estudiaqkuna nunakunata yachatsiyänampaq y imanötan tse rurayanqan yanapakurqan?

• ¿Imatan pasarqan 1916 y 1918 watachö llakikuyänampaq, peru imanötan musyayarqan Jehovä yanapëkanqanta?

• ¿Imanötan michakuykayaptimpis, Bibliata estudiaqkunaqa mana jaqipa Diosta sirwir sïguiyarqan?

• ¿Imatatan 1935 wataqa wawqi Rutherford willakurqan, y tsëqa imanötan wiyaqkunata yanaparqan?

• Warwickta ëwashqa kar o juk Betelchö rikashqa karqa, ¿imatan yanapashurqunki Jehovä sirweqninkunata cuidëkanqanta y yanapëkanqanman confiakunëkipaq?