2 KAQ YACHAKUNËKIPAQ
Bibliachöqa alli noticiakunam kan
Kananqa pïmëmi mana allikunapa pasar sufriyan, llakikuyan y imanö këta puëdiyantsu. ¿Imëllapis tsënö pasashurqunkiku? Capaz qeshyarnin o pïnikipis wanushqa kaptin llakishqa këkanki, y quizaschi, “¿imëllapis kushishqa kashaqtsuraq?” nir yarpachakuykanki. Tsënö kaptinqa, Bibliachö alli noticiakunam yamë kanëkipaq yanapashunki.
1 KAQ: ¿Ima alli noticiakunatan Bibliachö kan?
Kanan witsan alläpa sufrimientukuna imanir kanqantam Bibliachöqa willakun, peru alli noticiakunatapis willakunmi. Ichikllachöna llapan mana allikuna ushakänampaq kaqta y allina y shumaqna kawakunapaq kaqtam nimantsik (leyi Jeremïas 29:11, 12). Tsëta musyanqantsikqa imata pasarpis alli tsarakunapaq y yamë kanapaqmi yanapamantsik. Bibliachöqa mana wanurna kushishqa kawakunapaq kaqtam nin.
2 KAQ: ¿Ima manana kanampaq kaqtatan Bibliachö nin?
Mananam kanqanatsu sufrimientu, mallaqë, imëkata faltapakuy, chikinakuy, qeshya ni wanuypis. Bibliachöqa clärum nin manana wanur, ni llakikur, ni waqar ni nanatsikur kanapaq kaqta (leyi Apocalipsis 21:4). Entëru Patsam shumaq tikranqa y mana wanurnam kushishqa kawakushun.
3 KAQ: ¿Imaraq yanapashunki Bibliachö ninqanta creinëkipaq?
Pïmëmi munayan imëkapis altsakänanta, peru, “¡imëraq tsëqa kanqa!” niyanmi. Llapan mana allikuna ushakänampaq kaqta Bibliachö ninqanqa, ¿rasumpatsuraq kanqa? Awmi, peru tsëta musyanapaqqa Bibliatam ‘alli estudianantsik’ (Hëchus 17:11). Tsënö ruranqëkim yanapashunki Bibliachö ninqanta creinëkipaq.
MASLLA YACHAKUSHUN
Bibliachö alli noticiakunatam maslla yachakushun, y tsë alli noticiakuna jukkunata imanö yanapëkanqantam rikäshun.
4 KAQ: Bibliachöqa allina kawakunapaq kaqtam nin
Bibliachö ima alli noticiakuna kanqanta yachakuy. ¿Mëqan kaqtan mas gustashunki? ¿Imanirtan gustashunki?
Bibliachö ima ninqanta leyiyë y këkunapaq parlayë:
-
Bibliachö alli noticiakunaqa, ¿yanapamantsikku? ¿Familiëkikunata y reqishqëkikunataqa yanapanmantsuraq?
Këchö ninqannö kawëkänëkipaq kaqta pensë:
|
MANAM NI PIPIS... |
LLAPANTSIKMI... |
|---|---|
|
|
|
|
|
|
|
|
|
|
5 KAQ: Bibliachö alli noticiakunaqa allina kawakunapaqmi yanapamantsik
Pïmëmi imëka mana allikuna pasaqta rikar cölerashqa këkäyan. Wakinqa imëkapis altsakänanta munarmi imëkata rurayan. Bibliachö alli noticiakuna atskaqta imanö yanapanqanta rikë. VIDEUTA rikäyë y këkunapaq parlayë:
-
Rafïka jutiyoq warmiqa, ¿imakunapaqtan yarpachakoq?
-
¿Imanötan Bibliapita yachakunqan yanaparqan?
Bibliachö alli noticiakunaqa justicia mana kaptimpis mana llakikunapaq y shonquntsikchö yamë kanapaqmi yanapamantsik. Leyiyë Proverbius 17:22 y Romänus 12:12 ima ninqanta y këpaq parlayë:
-
Bibliachö alli noticiakunaqa, ¿yanapashunkimantsuraq mana alläpa yarpachakunëkipaq?
WAKIN IMA NIYANQAN: “Bibliachö ninqanqa mana creipaqmi”.
-
¿Bibliachö ninqan cumplikänampaq kaqta imakuna rikätsikunqanta musyëta munankimantsuraq? ¿Imanirtan musyëta munankiman?
KËTAM YACHAKURQUNKI
Bibliachöqa alli noticiakunam kan, y tsëkunata musyanqantsikqa imapa pasarpis yamë y kushishqa kanapaqmi yanapamantsik.
¿Yarpankiku?
-
¿Imanirtan alli noticiakuna musyëta necesitantsik?
-
¿Ima alli noticiakunatan Bibliachö kan?
-
Bibliachö alli noticiakunata musyanqëkiqa, ¿imanötan yanapashunki?
MASTA YACHAKUY
Bibliachö alli noticiakuna imanö yanapakunqanta maslla yachakuy.
“¿Imapis alliyänanta shuyaranqantsikqa yanapamantsikku?” (¡Musyatsikoq!, 22 de abril 2004)
Mana kachakaq qeshyayoq nunakunata Bibliachö alli noticiakuna imanö yanapanqanta yachakuy.
“¿Bibliachö yachakunqantsik salornintsikchö yanapamantsikku?” (jw.org päginachö yarqamoq)
Kë videuta rikë, y familiëkiwan Shumaq Patsachö kushishqa këkäyanqëkita pensë.
Huelgakunata ruraq nunata Bibliachö alli noticiakuna imanö yanapanqanta leyi.
“Teyta Diosllam mana allitaqa ushakätsimunqa” (Täpakoq, 1 de juliu 2013)
