Salmus 72:1-20
Salomonpaq parlaq salmus.
72 Teyta Dios, gobernanti alli juzganampaq leynikita yachëkatsillë,gobernantipa tsurinta yachëkatsillë munanqëkinö allita ruranampaq.+
2 Justiciata rurar sirwishoqnikikunata defendïkutsun,alli shonquyoq humildi sirwishoqnikikunata defendïkutsun.+
3 Sirwishoqnikikuna alli kawakuyänampaq jirkakuna yanapayätsun,tsënölla taksha jirkakunapis justiciata rurar yanapayätsun.
4 Humildikunata y waktsakunapa tsurinkunata gobernanti* defendïkullätsun,y nuna mayinkunata sufritseqkunatapis* ushakätsitsun.+
5 Teyta Dios, imanömi intiqa o rupayqa imëpis ushakantsu,tsënöllam pëkunaqa imëpis respetayäshunki.
Imanömi killapis ushakantsu, tsënöllam respetayäshuynikitaqa* imëpis dejayanqatsu.+
6 Gobernantiqa kanqa, tsëraq segarishqa qewata oqoq tamyanöy entëru patsata oqoq tamyanömi.+
7 Pë gobernaptinqa, alli nunakunaqa shumaq wëtëkaq+ plantanömi kayanqa,imanömi killa imëpis ushakantsu, tsënömi alli kawakuyanqanqa imëpis ushakanqatsu.+
8 Pëqa, lamar kuchumpita juknin kuchunyaqmi gobernanqay Eufratis mayupita* qallëkurmi entëru patsata gobernanqa.+
9 Tsunyaq sitiukunachö täkoqkunam* puntanman qonqurikuyanqay chikeqninkunapis allpatam laqwayanqa.+
10 Tarsischö y islakunachö gobernaqkunam impuestuta pagayanqa,+Säbachö y Sebächö gobernaqkunam qarëkunata apayanqa.+
11 Entëru patsachö gobernaqkunam puntanman qonqurikuyanqay mëtsë nacionchö nunakunam sirweqnin kayanqa.
12 Pëmi salvanampaq mañakoq waktsakunata, humildikunatay yanapayänanta munar qayakoqkunata salvanqa.
13 Pëqa waktsakunata y humildikunatam llakipanqa,*y waktsakunatam salvanqa.
14 Pëkunapa vïdanta alläpa valorarmisufritseqninkunapita y maqaqninkunapita salvanqa.
15 Gobernantiqa atska tiempupa kawatsun,Säbapita apayanqa öruta chaskitsun,+pëpaq nunakuna Teyta Diosman mañakuyätsun y cada junaq bendicionta chaskitsun.
16 Patsachöqa mëtsika gränum kanqa,+jirkakuna jananchöpis alläpa atskam kanqa.
Gobernanti murunqampis Lïbanuchönömi alli wayunqa,+y markakunachö nunakunapis plantakunanömi mëtsika kayanqa.+
17 Jutintaqa ama imëpis qonqayätsuntsu,+inti o rupay imëpis mana ushakaqnö, reqishqa kënimpis ama ushakätsuntsu.
Pë yanapaptin nunakuna bendicionta chaskiyätsun,+mëtsë nacionchö nunakuna pëpaq kushishqa parlayätsun.
18 Israelpa Diosnin Jehoväqa alabashqa këkullätsun,+pë ruranqantaqa manam ni pï rurëta puëdintsu.+
19 Shumaq jutin imëyaqpis alabashqa këkullätsun,+entëru patsachö alläpa puëdeq kanqan rikakutsun.+
Tsënö kallätsun.*
20 Këchömi usharin Jesëpa+ tsurin David Teyta Diosman mañakunqan.
Nötakuna
^ Hebreu idiömachöqa “pë” ninmi. Tsënö nirqa Salomon gobernanampaq kaqtam parlëkan.
^ O “engañaqkunatapis”.
^ Hebreu idiömachöqa “mantsayäshoqnikikunataqa” ninmi. Rikäri “Bibliachö palabrakunata entiendinapaq” neqta.
^ Kënöpis niyanmi: riupita.
^ Kënöpis niyanmi: täraqkunam; päraqkunam.
^ Kënöpis niyanmi: ankupanqa; kuyapanqa.
^ O “Amen, amen”.
