Salmus 105:1-45
-
Sirweqninkunapaq Teyta Jehovä ruranqan
-
Teyta Diosqa manam ruranqan acuerduta qonqantsu (8-10)
-
“Ama imanöpapis akranqä nunakunata yatayëtsu” (15)
-
Josë esclävu kanqantam Teyta Dios allipaq utilizarqan (17-22)
-
Egiptuchö Teyta Dios ruranqan milagrukuna (23-36)
-
Israelïtakuna Egiptupita yarqayämun (37-39)
-
Abrahanta äninqantam Teyta Dios yarparqan (42)
-
105 Teyta Jehoväta agradecikuyë, jutinchö mañakuyë,+imëkata ruranqankunapita mëtsë markakunachö willakuyë.+
2 Alabarnin cantayë,*imëkata ruranqankunaman pensayë.+
3 Llapan shonquykikunawan respetashqa jutimpaq parlayë,+Teyta Jehoväta sirweqkuna* kushishqa kayätsun.+
4 Poderösu Jehovä Diosta sirwiyë.*+
Yanapayäshunëkipaq pëta ashiyë.
5 Imëkatapis alläpa shumaqta ruranqanta,milagrukuna ruranqanta y imanö juzganqanta yarpäyë.+
6 Qamkuna, Abrahanpa kastankuna,+Jacobpa tsurinkuna tsëta yarpäyë, sirweqninkuna y akranqankunam kayanki.+
7 Pëmi Diosnintsik Jehovä,+entëru patsachö nunakunatam juzgan.+
8 Pëqa manam ruranqan acuerduta imëpis qonqantsu,+sirweqninta äninqankunataqa imëpis yarparanmi.+
9 Abrahantawan+ Isaacta+ äninqantaqa yarpanmi.
10 Pëqa Jacobtam änirqan imëpis cumplinampaq,Israeltam änirqan ruranqan acuerdu imëyaqpis kanampaq.
11 Kënömi nirqan: “Entëru Canaantam entregayashqëki,+qamkunapa herenciëkikunam kanqa”.+
12 Tsë witsanqa wallkaqllam kayarqan,+ awmi, wallkaqllam kayarqan,y tsë markakunachöqa forastërullam kayarqan.+
13 Pëkunaqa nacionnin nacionninmi puriyarqan,y gobernantikunapa markankunachömi puriyarqan.+
14 Tsënö këkäyaptimpis nunakuna sufritsiyänantaqa manam munarqantsu.+
Y gobernantikunatam kënö qayaparqan:+
15 “Ama imanöpapis akranqä nunakunata yatayëtsu,ni willakoqnïkunatapis imanayëtsu”.+
16 Entëru nacionchö alläpa mallaqë kanantam Teyta Dios permitirqan,tsëmi mikuyänampaq imapis karqantsu.*+
17 Teyta Diosqa Israelpa puntanta juk nuna ëwanampaqmi mandarqan.
Josëtam+ esclävu kanampaq rantikuyarqan.
18 Alli cadenarkurmi watarätsiyarqan,+chakinkunatapis cadënawanmi watayarqan.
19 Tsënöqa karqan Teyta Dios ninqan cumplikanqanyaqmi.+
Teyta Jehovä parlanqanqa limpiuyätsirqanmi.
20 Tsë nacionchö gobernantim carcelpita yarqunampaq mandakurqany libritam dejarirqan.+
21 Wayinta y llapan kapunqankunata rikänampaqmi churarqan.+
22 Tsënöllam mandakurqan dirigentinkunapis pëpa mandädunchö kayänampaq,autoridäyoq nunakunatapis yachatsinampaqmi nirqan.+
23 Tsëpitanam Israelqa Egiptuta ëwakurqan,+Jacobqa, Campa nacionninchömi forastërunö kawakurqan.
24 Teyta Diosqa, sirweqninkuna mëtsika kayänantam permitirqan.+
Tsëmi chikeqninkunapitapis mas atska kar mantsëpaqna kayarqan.+
25 Egiptu nunakunam Teyta Diospa sirweqninkunata chikiyarqan,tsënöqa karqan Teyta Dios permitiptinmi, tsëmi contran tikrayarqan.+
26 Tsënam Teyta Diosqa,sirweqninkuna Moisestawan+ akranqan Aaronta+ mandarqan.
27 Ishkankunam Campa nacionninchö,pëkuna* rikëkäyaptin milagrukunata y señalkunata rurayarqan.+
28 Teyta Diosmi tsë nacionta ampiman o tsakëman* tikratsirqan.+
Llapan mandanqankunatam cäsukuyarqan.*
29 Yakutam yawarman tikratsirqan,tsëmi llapan pescädukuna wanuyarqan.+
30 Entëru Egiptu nacionmanmi rachakkuna* juntarqan+y gobernantipa wayinmampis mëtsikam juntarqan.
31 Teyta Dios mandaptinmi kanikoq jatusaq chuspikunay ichisaq chuspikunapis entëru Egiptuman juntayarqan.+
32 Tamyatam runtuman tikratsirqan,Egiptu nunakunapa markankunamanmi räyutsimurqan.*+
33 Tsë runtum üvas plantankunata,hïgus plantankunata y llapan montikunata ushakätsirqan.
34 Teyta Dios mandaptinmi chukllushkunaqa* entëruman juntariyarqan,älankunapis manaraq yureq chukllushkuna.+
35 Tsëkunam entëru nacionchö llapan plantakunata ushayarqan,chakrachö muruyanqantapis pasëpam* ushayarqan.
36 Teyta Diosqa, entëru nacionchö nunakunapa mayor tsurinkunatam wanutsirqan,+nunakunapa mayor tsurinkunata y animalkunapa punta yureq wawankunatam ushakätsirqan.
37 Teyta Dios pushamuptinmi israelïtakunaqa plätata, öruta aparkur Egiptupita yarqayämurqan,+y llapankunapis alli kallpayoqmi yarqayämurqan.
38 Alläpa mantsakashqam Egiptuchö nunakunaqa këkäyarqan.
Peru israelïtakuna ëwakuyaptinqa kushishqam quedayarqan.+
39 Teyta Diosmi israelïtakunata tsapänampaq pukutëta churarqan,+y paqaspanam aktsinampaq rawrëkaq o lunyëkaq ninata churarqan.+
40 Pëkuna mañakuyaptinmi codornizkunata mandarqan,+ciëlupita mikuyta shikwatsimuptinmi pacha junta kayarqan.+
41 Qaqata pakiriptinmi mëtsika yaku yarqamurqan,+tsunyaq sitiukunapam mayunöraq* yaku ëwarqan.+
42 Teyta Diosqa, sirweqnin Abrahanta äninqanta cumplirmi tsë llapanta rurarqan.+
43 Teyta Diosqa, Egiptupitam sirweqninkunata salvamurqan, y pëkunaqa kushishqam yarqayämurqan.+
Akranqan israelïtakunaqa qayëkacharmi alläpa kushikuyarqan.
44 Y juk nacion nunakunapa markankunatam entregarqan,+tsë nunakunapa imëkankunawanmi israelïtakunaqa quedakuyarqan.+
45 Teyta Diosmi mandakunqankunata cumpliyänampaqy leyninkunata cäsukuyänampaq israelïtakunata yanaparqan.+
Teyta Jehoväta* alabayë.
Nötakuna
^ O “müsicata tocar alabayë”.
^ Hebreu idiömachöqa “asheqkuna” ninmi.
^ Hebreu idiömachöqa “ashiyë” ninmi.
^ Hebreu idiömachöqa “tantata warkukuyänan qerutam pakirqan” ninmi. Tsënö nirqa, capazchi tantata warkuyänan qerupaq parlëkan.
^ Capazchi, egipciukunapaq parlëkan.
^ Kënöpis niyanmi: tutapëman.
^ Capazchi Moisespaqwan Aaronpaq parlëkan.
^ Kënöpis niyanmi: lachakkuna; säpukuna.
^ O “ninata mandamurqan”.
^ Kënöpis niyanmi: churqapikunaqa.
^ Kënöpis niyanmi: jankatmi.
^ Kënöpis niyanmi: riunöraq.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
