Job 26:1-14
26 Tsënam Jobqa kënö nirqan:
2 “Tsënöchi kallpannaq kaqta yanapanki.
Tsënöchi rikran ishkikashqa nunata salvanki.+
3 Imanö shumaqmi mana yachaq nunata consejarqunki.+
Imëka allikunatam yachëkatsimarqunki.
4 ¿Pitataq tsënö parlapëta munëkanki?
¿Pitan tsënö parlanëkipaq nishurqunki?
5 Wanushqakunapis Teyta Diospa rikëninchömi këkäyan.
Pëkunaqa lamarpita y tsëchö kawaqkunapitapis mas rurinchömi këkäyan.
6 Teyta Diospa rikënimpaqqa,Sepultürapis*+ y nunakuna ushakäyanqan sitiupis* kicharëkanmi.
7 Pëqa ciëlutapis mana kaqllamanmi mashtashqa,+y patsatapis mana kaqllamanmi warkushqa.
8 Alläpa lasar pukutëta mana pashtarinampaqmi,yakutapis pukutëwan pitushqa.+
9 Mana rikäyänampaqmi gobernar jamakunanta tsapashqa,y kikimpa jananmannam pukutëta mashtashqa.+
10 Pëqa ciëluwan lamar mana juntakänampaqmi lindërun churashqa,+y atsikyaqta y ampitam o tsakëtam* rakishqa.
11 Pë corregiptinqa,ciëlupa columnankunapis mantsakarmi karkaryäyan.
12 Poderninwanmi lamar yakutapis wakman këman kuyutsin,+y yachaq karmi lamarchö mantsëpaq animaltapis* ushakätsin.+
13 Pükëkuptinllam* ciëlupis limpiakärin,y luchoq* qarayoq culebratam makinwan tsararkun.
14 Teyta Dios llapan ruranqampitaqa tsëkunaqa juk ishkëllam kayan.+
Teyta Diospitaqa ichikllatam musyantsik.
Tsëqa, ¿piraq entiendita puëdinman alläpa puëdeq kanqanta?”+
Nötakuna
^ O “Abadonpis”.
^ Kënöpis niyanmi: tutapëtam.
^ Hebreu idiömachöqa “Rahabtapis” ninmi.
^ O “Vientuykatsiptinllam”.
^ Kënöpis niyanmi: lluchu.
