Zacarïas 13:1-9
13 Tsë junaqqa, Davidpa kastankuna y Jerusalenpita nunakuna, jutsata* rurayanqampita y mana allikunata rurayanqampita limpiu quedayänampaqmi pözuta uchkuyanqa.+
2 Tsë junaqqa, nacionninkunachö santukunatam ushakätsishaq,+ y manam ni pï tsëkunata yarpanqanatsu. Tsënöllam nacionninkunachö mana rasumpa kaqta willakoqkunatapis ushakätsishaq,+ y manam ni pï melanëpaq rurëkunata ruranqanatsu, ninmi angelkunata mandaq Teyta Jehovä.
3 Pï nunapis mana rasumpa kaqta willakuptinqa, papänin y mamäninmi kënö niyänan: ‘Teyta Jehoväpa jutinchö mana rasumpa kaqta willakushqa karmi wanunki o wañunki’. Tsënö nirmi, mana rasumpa kaqta willakunqampita, tsë nunapa papänin y mamänin cuchilluwan tuksiyänan.+
4 Tsë junaqqa, mana rasumpa willakoqkunapis suëñuyanqanta willakuyanqampitam penqakuyanqa, y manam nunakunata engañayänampaq willakoqkuna vistikuyanqan röpata* vistikuyanqanatsu.+
5 Tsë mana rasumpa kaqta willakoqkunaqa kënömi niyanqa: ‘Manam willakoqtsu kä, noqataqa jövin kanqäpitam chakrachö trabajanäpaq rantiyämashqa’.
6 Y ¿imanöpatan humbruykichö herïdataqa rurakurqunki?* nir tapuyaptinqa, ‘kë herïdätaqa amïgükunapa* wayinchömi rurayämashqa’, nirmi contestayanqa”.
7 Angelkunata mandaq Teyta Jehovämi nin:
“Espädäta aptarkurmi noqawan imëpis këkaq y üshäkunata mitseqpa contran churakäshaq,+üshakuna wakpa këpa ëwakuyänampaqmi+ mitsikoqta espädawan wanutsishaq,+y mana kaqpaq churashqakunatam corregishaq”.
8 Teyta Jehoväqa kënöpis ninmi: “Tsë nacionchö nunakunapitaqa,cada kimapitam ishkë nuna wanuyanqa o wañuyanqay jukmi kawëkar quedanqa.
9 Imanömi öruta y plätatapis mas alliyänampaq ninawan tsullutsiyan,tsënöllam kawëkar quedaqkunatapisrikënïchö limpiu kayänampaq imëkapa pasayänanta permitishaq.+
Pëkunaqa yanapëkunäpaqmi jutïpa rogakayämunqa,y noqanam contestashaq.
Noqaqa, ‘pëkunaqa sirwimaqnïkunam kayan’+ nishaqmi,y pëkunanam ‘Teyta Jehoväqa Diosnintsikmi’ niyanqa”.
Nötakuna
^ Kënöpis niyanmi: pecäduta.
^ Tsëtaqa, animalkunapa aqtsampitam rurayaq.
^ Tsënö nirqa, pëchunchö o waqtanchö herïdapaqmi parlëkan.
^ O “kuyamaqnïkunapa”.
