Juëces 5:1-31
5 Tsë junaqmi Dëborawan+ Abinoampa tsurin Barac+ kë cancionta cantayarqan:+
2 “Guërrapaq Israelchö soldädukuna aqtsankunata paskashqa* kayanqampita,tsëchö kawaqkuna kikinkuna änikuyanqampita,+¡Jehovä Diosta alabayë!
3 ¡Wiyayë gobernantikuna! ¡Wiyayë mandakoqkuna!
Noqam, Teyta Jehoväpaq cantashaq.+
Israelpa Diosnin+ Jehovätam cantarnin alabashaq.*
4 Teyta Jehovä, Seirpita+ yarqaramuptikim,Edompita yarqaramuptikim,patsa kuyurqan y ciëlupita alläpa tamyar qallëkamurqan;pukutëkunapitam mëtsika tamya shikwamurqan.
5 Jirkakunam Jehovä Diospa rikëninchö+ tsulluriyarqan,Sinaï jirkapis Teyta Jehoväpa rikëninchömi+ tsullurirqan,Israelpa Diosnimpa+ rikëninchö.
6 Anatpa tsurin Samgar+ kawanqan witsany Jael+ kawanqan witsanqa, jatun nänikuna tsunyäkoqmi,y viajaqkunaqa llanu nänikunallapam puriyaq.
7 Caserïukunachö täkoq* israelïtakunaqa ëwakushqam kayarqan,manam kayarqantsu, noqa Dëbora+ yanapanäpaq sharkunqäyaq,Israelpaq mamannö sharkunqäyaq.+
8 Nunakunaqa santukunatam adorayarqan.+
Tsëmi markakunapa punkunkunachö guërra karqan.+
Israelchö cuarenta mil këkäyaptimpis,manam ni juk escüdu ni juk lanza karqantsu.
9 Shonqüqa israelïta soldädukunapa mandaqninkunatam+ yanapan,pëkunam kikinkuna munar nunakunawan ëwayarqan.+
¡Jehovä Diosta alabayë!
10 Qamkuna, ashnuta montarkur pureqkuna;qamkuna, fïnu* tëlakunachö jamëkaqkuna,y qamkuna, nänipa pureqkuna,¡alli pensariyë!
11 Animalkuna yakuta upuyänan sitiukunachömi, yakuta jorqaqkuna parlayanqan wiyakarqan.
Tsëchömi parlëkäyarqan Jehovä Dios allita ruranqankunapita,Israelpa caserïunkunachö täkoqkuna* allita rurayanqankunapita.
Tsënam Teyta Jehoväpa sirweqninkunaqa markakunapa punkunkunaman uräyarqan.
12 ¡Ama punukëtsu* Dëbora,+ rikchakuy o riyakï!
¡Ama punukëtsu, juk cancionta cantë!+
¡Abinoampa tsurin Barac, sharkuy!*+ ¡Prësunqëkikunata apakuy!
13 Quedakoqkunaqa mandakoq kaqkunamanmi uräyarqan;Jehovä Diospa sirweqninkunaqa, noqamanmi shayämurqan kallpasapakunawan pelyayänampaq.
14 Ura pampachö këkaqkunaqa Efrainpa kastankunam kayarqan,soldäduykikunawan juntum Benjaminpa kastankunapis ëwayan.
Makirpa+ familiampitam soldädukunapa mandaqninkuna uräyämurqan,y tukruyoqkunaqa Zabulonpa kastankunam kayarqan,* pëkunam nunakunata soldädupaq prësuyarqan.
15 Isacarpa kastankunachö dirigeqkunam Dëborawan këkäyarqan.
Imanömi Isacar këkarqan, tsënömi Baracpis+ këkarqan.
Ura pampaman chakipa ëwanampaqmi mandayarqan.+
Rubenpa kastankunaqa kikinkunapura tapunakurmi parlëkäyarqan.
16 ¿Imanirtaq alforjan cargapäkushqa punuykaq animalnöpis,mitsikoqkuna üshakunapaq flautata tocayanqanta wiyar quedakurqëki?+
Rubenpa kastankunaqa kikinkunapura tapunakurmi parlëkäyarqan.
17 Galaadpa kastankunaqa Jordanpa wak tsimpanchömi quedakuyarqan.+
¿Y imanirtaq Danpa kastankunaqa barcukunapa lädunchö quedakuyarqan?+
Aserpa kastankunaqa manam imatapis rurayarqantsu y lamar kuchunchömi jamarëkayarqan,manam barcukuna chänankunapita* kuyuyarqantsu.+
18 Zabulonpa kastankunaqa vïdankunatam peligruman churayarqan;tsënöllam Neftalïpa+ kastankunapis jana jirkakunachö rurayarqan.+
19 Gobernaqkunam shayämurqan pelyayänampaq;tsënam Canaanchö gobernaqkunaqa,+Taanac-chö pelyayarqan, Meguidö+ markapa yaku kuchunkunachö.
Manam pläta metalpita imatapis apayarqantsu.+
20 Ciëlupitam estrëllakuna pelyayämurqan,kuyuyänan sitiupitam Sïsarapa contran pelyayämurqan.
21 Cison pampapa ëwaq mayum* pëkunata apakurqan,+unë mayu, Cison pampapa ëwaq mayu.
Kallpasapakunatam jarukacharkurqëki.
22 Tsënam, guërrapaq cawallukuna qeshpir cörriyaptin,shillunkunapis pututükurqanraq.+
23 ‘Merozta maldiciyë’ nirqanmi Teyta Jehoväpa angelnin,‘awmi, tsëchö nunakunata maldeciyë,pëkunaqa manam Teyta Jehoväta yanapayarqantsu,manam kallpasapa pelyaqkunawan Jehoväta yanapayarqantsu’.
24 Quenïta kasta Hëberpa+ warmin Jaelmi,+llapan warmikunapitapis mas alabashqa,carpakunachö* kawaq warmikunapita mas alabashqa.
25 Sïsaram yakuta mañakurqan, pënam lichita qarëkurqan.
Juk shumaq tazonchömi lichin* qararqan.+
26 Juknin makinwanmi carpapa* estäcanta aptarkurqan,y derëcha kaq makinwannam juk combata aptarkurqan.
Tsëwanmi Sïsarapa peqanta o umanta pakirapurqan;umampa pasaqpaqmi estäcata clavëkurqan.+
27 Puntanmanmi ishkirirqan y manam kuyurqannatsu.
Puntanchömi ishkirirqan.
Ishkirinqanchömi quedarirqan.
28 Ventänapam juk warmi qawarëkarqan.
Sïsarapa mamäninmi rëjapa rikachakuykarqan. Kënömi tapukoq:
‘¿Imanirtan carrëtan alläpa demoramun?
¿Imanirtan cawallunkuna pututoqta wiyätsu?’.+
29 Pëwan këkaq mas yachaq warmikunam contestayarqan.
Y kikimpis kutin kutinmi kënö nikoq:
30 ‘Tsë nunakunapa cösasninkunatachi rakipänakuykäyan:
juk shipashta, ishkë shipashta cada soldädupaq;qochiyanqan o qechuyanqan tiñishqa tëlakunata Sïsarapaq, qochiyanqan tiñishqa tëlakunata.
Bordashqa röpata, tiñishqa tëlakunata,bordashqa ishkë röpakunata qechoqkunapa kunkankunata adornanampaq’.
31 ¡Jehovä Dioslläkuna! Tsënölla llapan chikiyäshoqnikikuna wanuyätsun o wañuyätsun,+peru kuyayäshoqnikikunaqa inti o rupay atsikyar yarqamoqnöraq chipapäyätsun”.
Cuarenta watakunapam tsë markakunachöqa yamëna kawakuyarqan.+
Nötakuna
^ Capazchi kënö ninqanqa, Diosta imatapis änikuyanqanta o pëllapaq kayänampaq niyanqanta rikätsikoq.
^ O “Jehoväpaqmi müsicata tocashaq, Israelpa Diosnimpaq”.
^ Kënöpis niyanmi: täraq; päraq.
^ O “awashqa”.
^ Kënöpis niyanmi: täraqkuna; päraqkuna.
^ Kënöpis niyanmi: ichirkuy.
^ Kënöpis niyanmi: rikchakuy.
^ O capazchi “qellqayänampaq utilizäyanqan cösaskunata katseqkuna”.
^ O “puertukunapita”.
^ Kënöpis niyanmi: rium.
^ Kënöpis niyanmi: toldukunachö.
^ O “corta lichin”.
^ Kënöpis niyanmi: toldupa.
