Isaïas 55:1-13
55 Llapëki yakunëkaqkuna+ yakuta upoq shayämuy,+y qamkuna qellëninnaq kaqkuna mikoq shayämuy.
Awmi, shayämuy vïnutapis y lichitapis+ mana pagakurlla y debaldilla upuyë.+
2 ¿Imanirtan mana rasumpa mikuychö qellënikikunata gastayanki?
¿Y imanirtan pachëkikunata mana juntatsinqanchö päguykikunata* gastayanki?
Shumaq wiyayämë y alli kaqta mikuyë.+
Tsëta rurarqa, imëpis alli kaqta mikurmi kushishqa kayanki.+
3 Shumaq wiyakur noqaman shayämuy.+
Wiyakurqa kawayankim, y qamkunawanmi mana imëpis ushakaq acuerduta rurashaq.+
Tsë confiakuypaq acuerdutaqaDavidta mana imëpis dejanäpaq äninqäta yarparmi qamkunawan rurashaq.+
4 ¡Rikäyë! Pëtaqa mëtsë nacionpita nunakunapaqmi testïgutanö churarqö.+
Y mëtsë nacionpita nunakunata diriginampaq,+ y soldädukunapa mandaqnin kanampaqmi akrarqö.+
5 ¡Rikäyë! Mana reqiyanqëki nacionpita nunakunatam qayayanki.
Tsë nunakunaqa Israelpa Limpiu Diosnin Teyta Jehoväqamkunata shumaq+ tikratsiyäshunqëkita rikarmi cörripa shayämunqa.+
6 Tarita puëdiyanqëkiyaq Teyta Jehoväta ashiyë.+
Amänuchö kanqanyaq pëman qayakuyë.+
7 Mana allita ruraq nuna imanö kawanqanta dejatsun,+y mana alli kaq nuna ama mana allikunaman pensatsunnatsu.
Tsëpa rantinqa Teyta Jehoväman kutiyätsun, y pëqa pëkunata llakipanqam.*+
Awmi, Teyta Diosninkunaman kutiyätsun y pëqa imëkata rurayanqampitam perdonanqa.+
8 “Noqa pensanqäqa manam qamkuna pensayanqëkinötsu,+y noqa ruranqäqa manam qamkuna rurayanqëkinötsu” ninmi Teyta Jehovä.
9 “Ciëlukuna patsa janampa këkanqannöminoqa ruranqäqa qamkuna rurayanqëki janampa këkan.
Noqa pensanqäqa qamkuna pensayanqëki janampam këkan.+
10 Tamyamumpis y rashtamumpis* patsata oqütsinampaq y tsëchö imëkata wayutsimunampaqmi.
Tsënöpa murukoq nunapa murun imëpis kanampaq y nunakunapa mikuyninkuna mana faltanampaq.
Y tsëta mana lograrqa manam tamya ni rashtapis ciëluman kutintsu.
11 Tsënöllam noqa parlanqäwampis pasanqa.+
Parlanqäqa ninqänöllam cumplikanqa,+y llapan munanqämi rurakanqa.+
Tsënömi rurëta munanqäqa ninqänölla cumplikanqa.
12 Qamkunaqa kushishqam yarqayämunki,+ y yamëmi markëkikunaman kutiyämunki.+
Qamkuna chäyämuptikiqa jirkakunay taksha jirkakunapis kushikurmi büllayanqa,+y llapan montikunapis kushikurmi paqchiyanqa o taqllakuyanqa.+
13 Kashakunapa rantinmi enebrukuna kanqa,+y shinwapa o ishankapa rantinmi mirtu plantakuna kanqa.
Tsënö kaptinmi mëtsëchöpis Teyta Jehoväta reqiyanqa,+tsëqa mana imëpis ushakaq señalnömi kanqa”.
Nötakuna
^ O “alli trabajarnin ganayanqëki qellëta”.
^ Kënöpis niyanmi: ankupanqam; kuyapanqam.
^ Kënöpis niyanmi: rapimumpis; jankamumpis.
