Isaïas 54:1-17
54 Teyta Jehovämi këta nin:
“¡Imëpis mana wamrayoq kashqa warmi kushikur büllë!+
Wamran mana kaptin, wamran yuriptin mana nanatsikushqa+ warmi llapan shonquykiwan kushikuy.+
Qowayoq o runayoq* warmipitapis nunan dejarishqa warmipam mas atska wamrankuna kan.+
2 Carpëkita* mas jatunta rurë+y shumaq carpa wayikipa tëlankunata mas karuyaq mashtë.
Mana mantsakushpa carpëkipa waskankunata mas karuyaq sutëy estäcankunata alli segurë.+
3 Derëcha lädupapis y izquierda lädupapis mas karuyaqmi chäyanki.
Y qampa kastëkikunaqa mëtsë nacionkunapa duëñunkunam tikrayanqa,y kanan tsunyaq këkaq markakunachömi kawayanqa.+
4 Ama mantsakuytsu,+ manam penqakuymantsu chanki,+y ama penqakuytsu manam llakishqatsu ushanki.
Jövin kar penqakatsishqa kanqëkitay viuda kar penqakatsishqa kanqëkitapis, manam yarpankinatsu”.
5 “Noqa Kamashoqnikiqa*+ qowëkinömi o runëkinömi* kä,+y noqa Israelpa Limpiu Diosninmi Yapë Rantishoqniki kä.+
Jutïqa angelkunata mandaq Jehovämi.
Noqataqa entëru patsachö nunakunapa Diosnin nirmi reqiyämanqa.+
6 Qowan o runan* dejarishqa warminö, alläpa llakishqa këkaq warminö,+ shipash këkar casakushqa warminöy nunan desprecianqan warminö këkaptikim, noqa Jehoväqa qamta qayarqaq” ninmi Teyta Dios.
7 “Qamtaqa juk rätullam dejarqaq,peru alläpa llakiparnikim* yapë kutitsimushqëki.+
8 Cölerarmi juk rätulla qamta dejarqaq,+ peru alläpa kuyarnikim imëpis llakipashqëki”*+ninmi Yapë Rantishoqniki+ Teyta Jehovä.
9 “Këqa Noëpa tiempunchö pasakunqannömi kanqa.+
Entëru patsata tamyawan yapë mana ushakätsinäpaqmi, Noëpa tiempunchö jurarqä.+
Tsënöllam kanampis qamwan manana cölerakunäpaq, y manana castiganaqpaq jurëkä.+
10 Jirkakuna y taksha jirkakuna sitiumpita kuyutsishqa kayaptimpis,alläpa kuyarnikim imëpis dejashqëkitsu+y qamwan yamë kanäpaq ruranqä acuerdutaqa manam imëpis qonqashaqtsu”+ninmi qamta alläpa llakipäshoqniki* Teyta Jehovä.+
11 “Llakishqa, imëkata sufrishqa y mana shoqashqa+ warmi.+
Cimientuykimanmi zafïru rumita churashaq,y alli kaq mezclawanmi* rumikikunata perqashaq.+
12 Murällëki jananchö perqakunatapis rubï rumipitam rurashaq,y punkuykikunapis chipapaq rumipitam kanqa.
Y linderuykikunamampis shumaq rumikunatam señalpaq churashaq.
13 Llapan wamrëkikunatapis noqa Jehovämi yachatsishaq,+y wamrëkikunaqa imëpis yamëmi kawakuyanqa.+
14 Alli kaqta rurarmi imëpis alli patsakashqa kanki+y manam ni pï sufritsishunkinatsu.+
Manam imatapis mantsankinatsu ni imapis mantsakätsishunkinatsu,tsëkunaqa manam kanqanatsu.+
15 Manam noqa mandaptïtsupï nunapis qamwan pelyaq shamunqa.
Y qamwan pelyaq shamoqkunataqa vencinkim”.+
16 “¡Rikäyë! Noqam herrërutaqa kamarqö,y pëqa shanshëkaq o shankëkaq carbonta pükarmi,pelyayänampaq imëka armakunata ruran.
Tsënöllam imëkata ushakätseq nunatapis kamarqö.+
17 Qamta ushakätsiyäshunëkipaq imëkata rurarpis manam imatapis lograyanqatsu.+
Y juiciuchö contrëki parlaqkunapis condenashqam kayanqa.
Noqa Jehoväta sirwimaqkunapaqqa tsëmi herenciankuna kanqay pëkunaqa rikënïchömi alli këkäyan” ninmi Teyta Jehovä.+
Nötakuna
^ Kënöpis niyanmi: Ollquyoq.
^ Kënöpis niyanmi: Tolduykita.
^ Kënöpis niyanmi: ollquykinömi.
^ O “Rurashoqnikiqa”.
^ Kënöpis niyanmi: Ollqun.
^ Kënöpis niyanmi: ankuparnikim; kuyaparnikim.
^ Kënöpis niyanmi: ankupashqëki; kuyapashqëki.
^ Kënöpis niyanmi: ankupäshoqniki; kuyapäshoqniki.
^ O “chukru argamäsawanmi”.
