Isaïas 52:1-15
52 ¡Sharkuy! ¡Sharkuy! ¡Sion+ jirka alläpa puëdeq tikrë!+
Jerusalen sagrädu marka shumaq röpëkita vistikuy.+
Ishpakuyänanchö mana señalashqa nunakuna y Teyta Diospa rikëninchö mana limpiu nunakunaqa manam qamman yëkayämunqanatsu.+
2 Jerusalen marka, allpapita sharkur* janëkichö polvuta tapsikuskir täkuy.
Juk nacionman apashqa Sionpita nunakuna, kunkëkikunapita watarätsiyäshunqëkita paskakuyë.+
3 Teyta Jehovämi këta nin:
“Qamkunaqa qellëta mana chaskirllam rantikushqa kayarqunki,+y qellëta mana pagakurllam yapë rantishqa kayanki”.+
4 Llapanta Gobernaq Teyta Jehovämi këta nin:
“Puntataqa forastërunö kawayänampaqmi+ sirwimaqnïkunaqa Egiptuta ëwayarqan.
Tsëpitanam Asiriapita nunakunaqa, culpannaq këkäyaptin imëkata rurar sufritsiyarqan”.
5 “Tsënö këkaptinqa, ¿imatataq kë cäsuchö rurashaq?” ninmi Teyta Jehovä.
Teyta Jehoväqa kënöpis ninmi: “Sirwimaqnïkunataqa mana pagakurllam apakuyashqa,y dominar sufritseqkunaqa venciyanqampitam kushikur büllayan.+
Entëru junaqmi imëpis jutïta respetayantsu.+
6 Tsënö pasakuptinmi sirwimaqnïkunaqa jutïpita masta musyayanqa,+tsë junaqmi këkunata noqa parlëkanqäta musyayanqa.
Awmi, noqam këkunata parlëkä”.
7 Jirkakunapa shamur alli noticiakunata apamoq nunapa chakinqa alläpa shumaqmi.+
Pëqa alli kawakuypaq willakur,+imapis mas allina kanampaq kaqta willakur,salvacionpaq willakur, y Sionpita nunakunata,“Diosnikikunam Gobernaq tikrashqa”+ nirmi willakur shamuykan.
8 ¡Wiyayë! Täpakoqnikikunaqa fuertipam parlëkäyan,y llapankuna juntum kushikur büllëkäyan.
Y Sionpita nunakunata Teyta Jehovä yapë juntanqantaqa, llapankunam cläru rikäyanqa.
9 Kushikuyë Jerusalenchö tsunyaq sitiukuna,+ llapëkikuna kushikur büllayë.
Teyta Jehoväqa sirweqninkunatam shoqashqa,+ y Jerusalenpita nunakunatam yapë rantishqa.+
10 Teyta Jehovä permitiptinmi mëtsë nacionpita nunakuna, sagrädu poderninta rikäyanqa.+
Y patsapa mas karu kuchunchö kawaq nunakunam, sirweqninkunata salvanampaq Teyta Dios imëkata ruranqanta rikäyanqa.+
11 ¡Witikuyë, witikuyë, tsëpita yarquyë,+y Teyta Diospa rikënimpaq mana limpiu kaqkunata ama yatayëtsu!+
Tsëpita yarquyë,+ y imëpis limpiu kayë, qamkuna, Teyta Jehoväpa wayinchö utilizäyanqankunata puritseqkuna.+
12 Manam tsëpitaqa jananta rurintatsu yarquyanki,y manam cörripatsu ëwakuyanki.
Israelpa Diosnin Teyta Jehovämi puntëkikunata ëwanqa,+y pëmi cuidayäshurniki qepëkikunata shamunqa.+
13 ¡Rikäyë! Sirwimaqnïqa+ imatapis yachëwanmi ruranqa.
Alli cargutam chaskinqa,respetashqa y alabashqam kanqa.+
14 Pëtaqa wakin nunakunapitapis masmi dañayarqan,tsënö dañayaptinmi shumaq kanqampis wakin nunakunapita mas peor usharqan.
Tsëmi mëtsika nunakuna mantsakashqa rikaräyarqan.
15 Tsënöllam mëtsë nacionpita nunakunapis,mana imëpis willayanqanta rikar,y mana imëpis wiyayanqankunaman+ pensar alläpa espantakuyanqa.+
Gobernaqkunapis manam ima nita puëdiyanqatsu.*+
