Isaïas 26:1-21
26 Tsë witsanqa kë canciontam+ Judächö+ cantayanqa:
“Markantsikqa segürum këkan.+ Pëpa salvacionninqa markantsikpa murällannöy murälla chakinman qotuyanqan allpanö o ruminömi.+
2 Alli kaqta ruraq nunakuna yëkayämunampaq punkuta kichayë.+
Tsë nacionpita nunakunaqa confiakuypaqmi kayan.
3 Llapan shonqunkunawan qamman confiakoqkunataqa* imëpis cuidankim,+y qamman confiakayämuptinmi imëpis yamë kayänanta permitinki.+
4 Teyta Jehoväqa,* awmi, Teyta Diosqa mana ushakaq Qaqanömi.+
Tsëmi Teyta Jehoväman imëpis confiakuyë.+
5 Pëqa taksha jirkachö kawaq nunakunata,awmi, altu markachö kawaq nunakunatam penqakatsishqa,y markankunata ushakätsirmi patsachö jitarëkaqta dejashqa.
6 Y yanapëpaq këkaqkunay kanan sufritsiyanqan nunakunam, jarur ushayanqa”.
7 Allita ruraq nunakunaqa, alli kaq nänipam puriyan,y qamqa alli kaqta rurarmiallita ruraq nunakuna puriyanqan nänita pampata tikratsinki.
8 Qam patsätsinqëki alli kaq nänipa purirqa, Teyta Jehoväqammanmi confiakayämü.
Jutikita alläpa väleqpaq churarmi yarpashqa kananta munayä.
9 Patsachö kawaqkunata qam juzgaptikiqa,tsëchö llapan kawaqkunam alli kaq rurëta yachakuyan.+
Tsëmi paqaspapis qamta asheq.+
Awmi, llapan shonqüwanmi qamta asheq.
10 Mana allita ruraq nunaqa llakipäyaptimpis* manam alli rurëta yachakunqatsu.+
Allillata ruraq nunakuna kawayanqan sitiuchöpispëqa mana allillatam rurëkanqa.+
Tsëmi Teyta Jehovä alläpa puëdeq kanqanta rikanqatsu.+
11 Teyta Jehovä, makiki pallarëkaptimpis,* pëkunaqa manam rikäyantsu.+
Sirwishoqnikikunata alläpa kuyanqëkita rikarmi penqakushqa kayanqa.
Chikishoqnikikunata ushakätsinëkipaq alistanqëki ninam pëkunata ushakätsinqa.
12 Teyta Jehovä, qammi yamë kayänäpaq yanapayämanki.+
Llapan rurayanqäkunatapisqammi noqakunapa rantïkuna rurarqunki.
13 Jehovä Diosnïkuna, juk nunakunapis gobernayämashqam+peru noqakunaqa jutikillatam alabayä.+
14 Pëkunaqa wanukuyashqanam, y manam kawayämunqanatsu.
Awmi, wanukuyashqanam, y manam kawayämunqanatsu.+
Pëkunataqa castigarmi ushakätsirqunki,y manam imëpis pëkunata yarpäyanqanatsu.
15 Teyta Jehovä, kë nacionchö nunakunamëtsikaq tikrayänantam permitirqunki.
Tsëta rurarmi alläpa puëdeq kanqëkita rikätsikurqunki.+
Tsënöllam kë markakunapa lindërunkunatapis mas karuyaq chätsirqunki.+
16 Teyta Jehovä, llakishqa kayanqan höraqa yanapëkunëkipaqmi qamman mañakayämurqan.
Corregiptikipis shiminkuna rurinllachömi qamman mañakayämurqan.+
17 Qamrëkurmi Teyta Jehovä,wamran yuriptin warmi nanatsikur waqanqannö sientikuyarqö.
18 Qeshyaq warminömi kayarqö y wamran yurinampaq nanatsikunqannömi nanatsikuyarqö,peru tsë llapanqa ardëllam* kashqa.
Manam këchö kawaqkunata salvëta puëdiyarqötsu,y manam këchö kawayänampaq yuriyannatsu.
19 “Wanushqëkikunam yapë kawayanqa,y wanushqäkunam yapë sharkayämunqa.+
¡Sharkuyë y kushikur büllayë, allpa rurinchö këkaqkuna!+
Qamkunaman shikwamoq shullyaqa* patsa warë shullyanömi.
Patsachö pamparëkaqkunapis yapëmi kawarkayämunqa.
20 Kuyanqä sirwimaqnïkuna,ruri cuartuykikunaman yëkuskir punkuta wichqarkayämuy.+
Cölerä pasanqanyaq juk rätulla tsëchö quedakuyë.+
21 ¡Rikäyë! Kë patsachö nunakunata mana allita rurayanqampita castiganampaqmiTeyta Jehoväqa këkanqan sitiupita shamuykan,y kë patsachö nunakuna asesïnu kayanqanmi cläru musyakärinqa,y mananam asesïnu kayanqanta pakëta puëdiyanqanatsu”.
Nötakuna
^ O capazchi “decidiyanqanta mana cambiaqkunataqa”.
^ Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
^ Kënöpis niyanmi: ankupäyaptimpis; kuyapäyaptimpis.
^ Kënöpis niyanmi: joqarëkaptimpis.
^ Kënöpis niyanmi: yaptallam.
^ Kënöpis niyanmi: shullaqa; shushalqa; shushaqa.
