Isaïas 18:1-7
-
Etiopïa kinrëchö markakunata ima pasanampaq kaqta willakun (1-7)
18 Allaw, Etiopïa mayukuna* kinrëchö markakuna.
Tsëchöqa kurukuna volar* büllayanqanllam wiyakan.+
2 Tsë markapita nunakunaqa,lamarpa ëwaq totörapita barcukunawanmi,willakoqkunata kënö nir mandayan:
“Imatapis tsë höralla willakoqkuna,jatusaq y shumaq qarayoq nunakunakawayanqan nacionman ëwayë.
Tsë nacionpita nunakunaqa puëdeqmi kayany atska nacionkunawanmi quedakuyashqa,tsëmi mëtsëchöpis nunakunaqa mantsayan.+
Tsë nacionqa atska mayukunapa* chowpinchömi* këkan”.
3 Entëru patsachö kawaq nunakuna,rikäyanqëkiqa jirkachö jawiyanqan señalnömi kanqa,y wiyayanqëkiqa waqrata tocayanqannömi wiyakanqa.
4 Tsënöqa kanqa, Teyta Jehovä kënö nimashqa kaptinmi:
“Noqaqa tranquïlum quedakushaq y këkanqä sitiutam rikäshaq.
Tsëta ruranqäqa inti o rupay achachämunqannöy usya witsan cosëchachö shullya* shikwamunqannömi kanqa.
5 Wëtan tsakiriptin üvaskuna poquykäyaptinmi,tseqllipinkunata ruturiyanqay zarcillunkunata* ruturir jitariyanqa.
Tsëqa kanqa cosëcha manaraq chämuptinmi.
6 Tsëkunaqa kanqa, jirkakunachö päraqëtsata mikoq jatusaq pishqukunapaq y wakin animalkunapaqmi.
Usya witsanmi ëtsata mikoq jatusaq pishqukunaqa, tsëkunata mikuyanqa.
Tsënöllam wakin animalkunapis, cosëcha witsanchö tsëkunata mikuyanqa.
7 Tsë witsanmi, jatusaq y shumaq qarayoq nunakunaqa,Sion jirkachö angelkunata mandaq Teyta Jehoväpa jutinta apaq sitiuman,angelkunata mandaq Teyta Jehoväpaq qarëta apayämunqa.
Tsë nacionpita nunakunaqa puëdeqmi kayany atska nacionkunawanmi quedakuyashqa, tsëmi mëtsëchöpis nunakuna mantsayan.
Tsë nacionqa atska mayukunapa* chowpinchömi* këkan”.+
Nötakuna
^ Kënöpis niyanmi: riukuna.
^ Kënöpis niyanmi: pärir; vuëlar.
^ Kënöpis niyanmi: riukunapa.
^ Kënöpis niyanmi: pullanninchömi.
^ Kënöpis niyanmi: shulla; shushal; shusha.
^ Kënöpis niyanmi: arëtinkunata.
^ Kënöpis niyanmi: riukunapa.
^ Kënöpis niyanmi: pullanninchömi.
