Weneʼ kojkun taj kqakoj nimalaj tiempo che unikʼoxik ri Biblia, are kʼu ¿jas rajawaxik kqabʼano rech utz kqabʼan che ukojik ri tiempo? Nabʼe, chatasaʼ atiempo che unikʼoxik ri Biblia. Paneʼ nim ta kabʼano are kʼu más utz na chuwach che kabʼan kʼi jastaq xa pa jun tiempo.

Tekʼuriʼ chawilaʼ jas ri más nim ubʼanik (Efes. 5:15, 16). Chqilampeʼ jujun jastaq che katkunik kabʼano:

• Chasikʼij ri Biblia ronojel taq qʼij (Sal. 1:2). Rech kamajij, utz kasikʼij ri capítulos che kil pa ri riqbʼal ibʼ chuxoʼl taq semanas.

• Chatijoj awibʼ che ri kil pa taq ri riqbʼal ibʼ chuxoʼl taq semanas y ri kil pa ri etaʼmanik re Ri Chajinel. Chatijoj awibʼ rech kabʼan acomentarios (Sal. 22:22).

• We kʼo atiempo chanikʼoj más ri Biblia chasikʼij ri revistas, chawilaʼ ri videos y ronojel ri kel lo pa jw.org.

• Xuqujeʼ utz kabʼan wariʼ: chatzukuj información chrij jun kʼax che tajin kakʼulmaj, urespuestas preguntas che weneʼ katchoman chrij o jun kʼutunem re ri Biblia che kawaj kachʼobʼo. Katkunik kariq más pixabʼ pa ri sección «Actividades para estudiar la Biblia», pa jw.org.