¿Jas jastaq? Filipenses 4:8 kubʼij che kojchoman chkij ri e jastaq che e qastzij, sukʼ, chʼajchʼoj, yaʼtal kiloqʼoqʼexik, utz kitzijol, kuya utzil xuqujeʼ ri kuya uqʼij ri Dios. Wariʼ kraj ta kubʼij che ri oj cristianos xaq xiw kojchoman chi chrij ri kubʼij ri Biblia. Are kʼu, rajawaxik kojchoman chkij ri e jastaq che utz kril ri Jehová, chkij ta ri e jastaq che kresaj uchuqʼabʼ ri qasukʼilal (Sl 19:14).

Kʼax uxutuxik ri itzel taq chomanik. Rajawaxik kqakoj qachuqʼabʼ chuwach ri Satanás «ri dios kech we qʼij junabʼ riʼ» xuqujeʼ rumal che oj ajmakibʼ (2Co 4:4). Rumal che areʼ kukoj kʼi jastaq, jun chke ri más kukojo are ri programas re televisión, ri kbʼix pa ri radio, ri Internet o ri e wuj che kujechʼobʼisaj ri e utaqanik ri Jehová. Rajawaxik kqachaʼ ri kqaj kqaya pa ri qachomanik rumal che kubʼan kʼax che, chiʼ kqʼax ri tiempo xuqujeʼ kubʼan kʼax che ri qabʼantajik (Snt 1:14, 15).

ARE CHIʼ AWILOM CHI RI VIDEO CHQAXUTUJ RI E JASTAQ CHE KRESAJ UCHUQʼABʼ RI QASUKʼILAL: RI ITZEL TAQ ETZʼANEM, CHATZALIJ UWACH RI E PREGUNTAS RIʼ:

• ¿Jas tajin kril ri qachalal pa ri uteléfono, xuqujeʼ jas kʼax xuriqo?

• ¿Jas tobʼanik xuya ri texto re Gálatas 6:7, 8 xuqujeʼ Salmo 119:37 che ri qachalal?