Jesús xuya ubʼixik «ri utzalaj taq tzij» re ri uQʼatbʼal tzij ri Dios y xukʼut chkiwach ri winaq che kkitaʼ pa kichʼawem wajun Qʼatbʼal tzij (Lu 4:43; Mt 6:9, 10). Pa noviembre, kqakoj na qachuqʼabʼ che uyaʼik ubʼixik ri uQʼatbʼal tzij ri Dios (Mt 24:14). ¡Qas utz chqabʼanaʼ che ukojik ri qatiempo rech kojtobʼan pa wajun campaña! Ri kkibʼan ri precursorado auxiliar pa wajun ikʼ kekunik kkibʼan 30 o 50 horas.

Pa ri campaña, chasikʼij uwach jun texto che kchʼaw chrij ri uQʼatbʼal tzij ri Dios chke e kʼi winaq. Are chiʼ katzukuj ri texto che kawaj kasikʼij uwach, chatchoman chrij ri kikojonik ri winaq che e kʼo pa ri aterritorio. We kʼo jun winaq utz kuta ri kabʼij che pa ri nabʼe mul che kattzijon rukʼ, chayaʼ jun wuj La Atalaya che (edición para el público) núm. 2, 2020. Kaya taj che naj tiempo kqʼaxik rech kattzijon chi rukʼ ri winaq xuqujeʼ chakojoʼ achuqʼabʼ rech kaya jun etaʼmanik re ri Biblia che, rukʼ jun wuj che kʼo pa ri chakubʼal re tijonik. Xa jubʼiqʼ tiempo chi kraj che ri uQʼatbʼal tzij ri Dios kusach kiwach kojonel ri qʼatbʼal tzij re wajun uwach Ulew (Da 2:44; 1Co 15:24, 25). Rumal laʼ, chqakojoʼ qachuqʼabʼ che ukʼutik che xaq xiw kqaya qatobʼanik che ri Jehová y che ri uQʼatbʼal tzij.