KʼUTUNEM 7
¿Jas riʼ ri Rajawbʼal ri Ajawaxel?
1. ¿Jas riʼ ri Rajawbʼal ri Ajawaxel?
¿Jasche kqabʼij che Jesús are jun utzalaj ajawinel? (MARCOS 1:40-42)
Are jun qʼatbʼal tzij che kʼo pa ri kaj che xaq jubʼiqʼ chi kraj kok che ukʼexwach ri kiqʼatbʼal tzij ri winaq xuqujeʼ kubʼan ri kraj ri Ajawaxel cho ri uwach Ulew junam che kbʼan pa ri kaj. Ri Rajawbʼal ri Ajawaxel, are jun qʼatbʼal tzij che kajwataj chike ri winaq, kubʼan na che konojel ri winaq rech ronojel uwach Ulew xaq junam kubʼan ri kichomanik chirij ri Ajawaxel. Qastzij wi, che e utz täq jastaq ri kyaʼ ubʼixik. Chasikʼij uwach Daniel 2:44; Mateo 6:9, 10, xuqujeʼ 24:14.
Rumal che pa ronojel qʼatbʼal tzij are rajawaxik jun ajkʼamal bʼe, ri Ajawaxel Jehová uyaʼom che ri Ukʼojol, Jesucristo, che kubʼan Ajawinel rech ri Ajawbʼal. Chasikʼij uwach Apocalipsis 11:15.
Chawilaʼ ri video ¿Jas riʼ ri Rajawbʼal ri Dios?
2. ¿Jasche are ri Jesús ri utz Ajawinel?
Ri Ukʼojol ri Ajawaxel are jun utz Ajawinel rumal che are sibʼalaj utz xuqujeʼ qas kubʼan ri sukʼilal (Juan 1:14). Xuqujeʼ, kkun che kitoʼik ri winaq kubʼan wariʼ chiʼ kuqʼat lo tzij pa ri kaj puwiʼ ri uwach Ulew. Rumal che chiʼ xwalajisaxik, ri Jesús xbʼe pa ri kaj, chilaʼ xreyej che uxukut ri Ajawaxel rech kyaʼ che, che kuqʼat tzij (Hebreos 10:12, 13). Tekʼuriʼ, ri Ajawaxel uyaʼom chi pa uqʼabʼ ri Jesús che kuqʼat tzij. Chasikʼij uwach Daniel 7:13, 14.
3. ¿La ketobʼan nikʼaj chik winaq rukʼ ri Jesús che uqʼatik tzij?
Ri Loqʼalaj Pixabʼ kubʼij che e kʼo jupuq ajpatanel rech ri Ajawaxel kkiqʼat na tzij rukʼ ri Jesús. Pa Daniel 7:27 kbʼix utinamit ri Dios aj chikaj chike. Ri nabʼe winaq che xechaʼ rumal ri Ajawaxel rech kkibʼan utinamit aj chikaj are ri e rapóstol ri Jesús. Kimik Jehová tijan keʼuchaʼ na achijabʼ xuqujeʼ ixoqibʼ che kʼo kikojonik rech kkibʼan e tastalik winaq. Junam rukʼ ri Jesús, wa winaq riʼ chiʼ kekamik kebʼe pa ri kaj xuqujeʼ kkibʼan uxlabʼal. Chasikʼij uwach Juan 14:1-3 xuqujeʼ 1 Corintios 15:42-44.
¿E jampaʼ ri kebʼe pa ri kaj? Ri Loqʼalaj Pixabʼ kubʼij che xa e alaj jupuq, ri Jesús xubʼij «chʼutinalaj jumulaj nuchij» chike (Lucas 12:32). Ri kkiqʼat tzij rukʼ ri Jesús puwiʼ ri uwach Ulew e 144.000 winaq. Chasikʼij uwach Apocalipsis 14:1.
4. ¿Jas xbʼantajik chiʼ xbʼan Ajawinel che ri Jesús?
Pa ri junabʼ 1914 xbʼan Ajawinel che ri Jesús, ri nabʼe xubʼano are xresaj lo ri Satanás xuqujeʼ ri itzel täq uxlabʼal pa ri kaj xuqujeʼ xeʼukʼaq lo cho ri uwach Ulew. * Rumal ri royowal, ri Itzel xumaj ubʼanik itzelal pa ri uwach Ulew (Apocalipsis 12:7-10, 12). Umajom lo pa ri qʼij riʼ, ri itzelal cho ri uwach Ulew tijan kkʼiyik. Ri chʼoj, ri nimaʼq täq kabʼraqan, ri yabʼil, xuqujeʼ ri wiʼjal tijan kukʼut ri bʼim loq chirij ri Rajawbʼal ri Ajawaxel che xaq jubʼiqʼ chi kraj che kuqʼat lo tzij cho ri uwach Ulew. Chasikʼij uwach Lucas 21:7, 10, 11, 31.
5. ¿Jas tijan kubʼan ri Rajawbʼal ri Ajawaxel kimik xuqujeʼ jas kubʼan na pa ri petinaq?
Rumal ubʼixik chirij ri utzalaj täq jastaq cho ronojel ri uwach Ulew, ri Rajawbʼal ri Ajawaxel tijan kumulij «kʼiʼalaj winaq» rech ronojel ri tinamit. Sibʼalaj e kʼi achijabʼ xuqujeʼ ixoqibʼ che kʼo utz kanimaʼ xuqujeʼ kenimanik e kʼo chi chuxeʼ ri uqʼatbʼal tzij ri Jesús. Konojel kekʼaseʼ kanoq chiʼ ri Rajawbʼal ri Ajawaxel kusach uwach ri itzelal kʼo cho ri uwach Ulew. Rumal laʼ we kqaj kqariq ri utzilal che kukʼam lo ri Ajawbʼal, rajawaxik kqanimaj ri Jesús. Chasikʼij uwach Apocalipsis 7:9, 14, 16, 17.
Pa ri 1.000 junabʼ, ri Ajawbʼal kubʼan ri xraj ri Ajawaxel chike ri winaq nabʼe. Ri uwach Ulew kubʼan na jun kotzʼiʼjalaj uwach. Kʼisbʼal re, ri Jesús kuya chi jumul ri Ajawbʼal che ri Utat (1 Corintios 15:24-26). ¿La kawaj kaya ubʼixik che jun winaq chik chirij ri Ajawbʼal? Chasikʼij uwach Salmo 37:10, 11, 29.
^ párr. 6 Rech kawetaʼmaj más chirij ri bʼim kan pa ri Loqʼalaj Pixabʼ chirij ri junabʼ 1914, chawilaʼ ri uxaq 215-218 rech ri wuj ubʼiʼ ¿Jas qas kukʼut ri Biblia?
