Pa wajun sección kqetaʼmaj chkij akʼalabʼ, ajqʼaxal taq tzij xuqujeʼ ajawinelabʼ che xkʼojiʼ jun nimalaj kikojonik chrij Jehová. Pa Siria, jun alaj ali israelita xkʼojiʼ ukojonik che ri ajqʼaxal utzij Jehová kukunaj Naamán. Ri ajqʼaxal tzij Eliseo qas xukubʼsaj ukʼuʼx che Jehová kutoʼ pa kiqʼabʼ ri e ukʼulel. Ri kinimal ri ajkojol taq tabʼal toqʼobʼ Jehoiadá xuya ri ukʼaslemal rech xuchajij ri alaj nitzʼ Jehoás chuwach ri itzelalaj Atalía ri ratiʼt. Ri ajawinel Ezequías xukubʼsaj ukʼuʼx che Jehová kukol Jerusalén rumal laʼ xuxibʼij ta ribʼ chuwach ri kiyoqʼonik ri ejército asirio. Ri ajawinel Josías xresaj ri kiqʼijilaxik e tyox pa ri tinamit, xusukʼumaj ri rachoch Dios xuqujeʼ xeʼutoʼ ri tinamit rech jumul chik kkiqʼijilaj Jehová.