Are chiʼ qʼaxinaq chi ri nimalaj jabʼ, ri e ralkʼwal ri Noé xuqujeʼ ri e kixoqil xekʼojiʼ kʼi kalkʼwal. Xekʼiy ri kifamilias xuqujeʼ xebʼe pa jalajoj taq lugar re ri uwach Ulew, junam che xubʼij ri Jehová chke.

Are kʼu jujun chke ri familias xeniman ta che ri Jehová. Xkibʼij: «Chojkʼol waral, chqayakaʼ jun tinamit xuqujeʼ jun torre che kopan kʼa pa ri kaj. Jeʼ wariʼ kux nim qaqʼij».

 Jehová utz ta xril ri tajin kkibʼano, rumal laʼ xubʼano che kkibʼan ta chik. ¿La awetaʼm jas xubʼano? Xubʼano che xaq kʼateʼ xkimaj uchʼabʼexik kibʼ pa jalajoj taq chʼabʼal. Ri winaq xkikoj Babel che ri tinamit riʼ, che kraj kubʼij «sachbʼal». Rumal che kekun ta chik kkichʼobʼ kibʼ, xkiwalajisaj ta chi ri nimalaj ja. Ri winaq xeʼel bʼi chilaʼ rech kekʼojiʼ pa nikʼaj chi lugar rech ri uwach Ulew. Are kʼu xuqujeʼ xkibʼan itzel taq jastaq jachiʼ xeʼopan wi. ¿La kabʼij che kʼo na jun winaq che kuloqʼoqʼej ri Jehová? Pa ri jun chik kʼutunem kqilo.