WAJUN wuj riʼ rech täq bʼantajik che qastzij xbʼantajik. Esam chupam ri wuj nim ubʼantajik cho ruwäch Ulew, ri Loqʼalaj Pixabʼ. Ri täq bʼantajik kubʼij chawe chiʼ xmajtaj loq chiʼ xbʼan ri täq jastaq kkʼis pa täq qaqʼij. Xuqujeʼ kubʼij ri kubʼan na ri Ajawaxel pa ri petinäq.

Wajun wuj riʼ kubʼij chawe ri täq jastaq kʼo pa ri Loqʼalaj Pixabʼ. Xuqujeʼ kubʼij chawe chikij täq winaq e kʼo pa ri Loqʼalaj Pixabʼ xuqujeʼ kubʼij ri xkebʼan ojer. Xuqujeʼ ri Ajawaxel kuya jun utzalaj kubʼsal kʼuʼx chike ri winaq rech kʼo jun kikʼaslemal che kʼot ukʼisik cho ruwäch Ulew.

Kʼo 116 täq bʼantajik pa wuj riʼ. Wariʼ bʼanom wajxaqibʼ jupuq che. Pa ri jupuq kmajtaj rukʼ jun uxaq wuj che kubʼij jupaj täq tzij kʼo chupam ri jupuq. Ri täq bʼantajik bʼenäq pa cholaj junam rukʼ chiʼ xbʼan ojer. Wariʼ katutoʼ che uretaʼmaxik jumpaʼ xeqʼax wa täq jastaq pa ri bʼantajik rukʼ xebʼan ri nikʼaj chik.

Wa täq bʼantajik ktzijox rukʼ täq tzij kʼäx ta uchomaxik. Kʼi täq akʼalabʼ kekun che usikʼixik xaq kitikel. Ri täq tat nan kkil na che ri täq kalkʼwal sibʼalaj utz kkil usikʼixik wa täq bʼantajik riʼ kʼi täq mul. Kqil che wajun wuj kʼo kʼi täq utzalaj täq jastaq chupam, kech konojel ri alabʼom alitomabʼ, o altomabʼ, xuqujeʼ nikʼaj chik winaq.

Pa kʼisbʼal re che ri täq ri bʼantajik kyaʼ jupaj kapaj tzij esam pa ri Loqʼalaj Pixabʼ. Kqabʼij bʼa chawe che chasikʼij wa täq jupaj kapaj tzij rech ri Loqʼalaj Pixabʼ che kchʼaw chirij ri täq bʼantajik. Chiʼ akʼisom che usikʼixik uwäch jun bʼantajik chawilaʼ ri täq tzʼonoj tekʼuriʼ chachomaj su kraj kubʼij. Wa täq tzʼonoj riʼ e kʼo pa kʼisbʼal che ri bʼantajik 116.