Chiʼ qʼaxnäq chi oxibʼ qʼij che ri ukamikal ri Jesús, xwalsaxik. Pa jun qʼij riʼ xukʼut ribʼ jobʼ mul che kiwäch ri täq rajtijoxel pa jalajoj täq lugar. Xutaqej ukʼutik ribʼ pa 40 qʼij. Tekʼuriʼ jujun chike ri täq rajtijoxel xkilo chiʼ xbʼe pa ri kaj. Qʼaxnäq chi lajuj qʼij tekʼuriʼ ri Ajawaxel xuya ixlabʼixel chike ri täq rajtijoxel ri Jesús chiʼ e kʼo Jerusalén.

Tekʼuriʼ qʼaxnäq chi kebʼ oxibʼ qʼij ri täq ukʼulel ri Ajawaxel xketzʼapij ri täq apóstoles, tekʼuriʼ jun ángel xeʼutoʼo. Ri ajtijoxel Esteban xkamsax rukʼ täq abʼaj rumal ri täq kʼulel. Tekʼuriʼ kqetaʼmaj na che ri Jesús xuchaʼ jun achi che kixoʼl ri winaq riʼ rech kubʼan jun utzalaj upatanel, wajun achi riʼ are ri apóstol Pablo. Chiʼ qʼaxnäq chi oxibʼ junabʼ rukʼ nikʼaj che ri ukamikal ri Jesús, ri Ajawaxel xutaq bʼi ri apóstol Pedro che uyaʼik ubʼixik ri utzij ri Ajawaxel che jun achi che judío täj ubʼiʼ Cornelio xuqujeʼ chike ri täq ufamilia.

Weneʼ qʼaxnäq chi 13 junabʼ tekʼuriʼ ri Pablo xukʼam bʼi, o xubʼan bʼi, ri nabʼe ubʼe rech kuya ubʼixik utzij ri Ajawaxel. Pa ri ukabʼ mul, Timoteo xbʼe rukʼ. Ri Pablo xuqujeʼ ri täq rachiʼl sibʼalaj kʼi täq xkeriqo chiʼ tijan kkepatanej ri Ajawaxel chiʼ xebʼe pa jalajoj täq tinamit. Tekʼuriʼ Pablo xtzʼapix pa Roma. Xqʼax kebʼ junabʼ xesax loq, tekʼuriʼ chiʼ xtzʼapix chik xkekamsaj. Ri UWUQ Jupuq weneʼ kubʼanaʼ 32 junabʼ.