“Wagay manami canganachu. Wañuy manami canganachu. Nanächicuypis, llaquicuypis manami canganachu.” (Apocalipsis 21:3, 4, Tayta Diosninchi isquirbichishan.)

Imawanpis Dios mana nacachimanganchitami musyashun (Santiago 1:13).

Nanächicuyninchita Diosninchi musyashganmi cushichimäshun (Zacarías 2:8).

Shamoj tiempucho imapis mana nacachimänanchipaj cajtami cushishga shuyaraycäshun (Salmo 37:9-11).

Awmi, ishcaylata ricärishun:

• Lapan mana alicunatami Diosga chiquin. ¿Imanotaj Jehová sienticurgan unay marcanta nacachipäcuptin? Bibliami wilacun waquin naciuncuna marcanta nacachipäcushganta ricar alapa nanächicushganta (Jueces 2:18).

  Diosga chiquinmi pipis runa mayincunata nacachiptin. Chaymi Bibliaga cayno nin: “Diosga fiyupa melanäcun [...] alli goyäcog runata wañuchegta” (Proverbios 6:16, 17).

• Diosga manami waquinlapächu yarpachacun. Gamla nanächicushgayquita y laquicushgayquita musyaptiquipis, rasun cajchoga Jehovapis musyanmi (2 Crónicas 6:29, 30).

  Gobiernunwanmi Diosga ­lapan problemayquita usha­cächinga (Mateo 6:9, 10). Chaycamayajga, shongupita ashejcunatami cuyacoj cayninwan shogapaycan (Hechos 17:27; 2 Corintios 1:3, 4).