Canan wichan maygan wilacuycunaga may chaymanpis jucla chayarcamun radiupa, televisiunpa o internetpapis. Diosga rasun cajlata imaypis parlan, chaymi noganchicunapis rasun cajlata imaypis parlashwan; manacajtaga manami (Sl 31:5; Éx 23:1). Juccunata rasun cajta mana parlaparga, capazchi piñacachishwan o laquichishwanmi. Maygan wilacuycuyna rasun canganta musyanayquipäga, tapucuriy:

• ¿Yaracushwanchuraj pï wilacushganta? Pï wilacushganga capazchi manami shumaj musyanchu ima ayca pasaycashganta, y juccunata lutanta yaparir yaparir wilapanman. Chaymi imano pasashganta mana musyarga, ama juccunata wilapäshunchu. Congregaciunta ricajcuna y ima carguyoj cajcunapis yaracuypaj capäcunman y rasun cajlata parlapäcunman, seguro mana caycarga imatapis parlapacunmanchu.

• ¿Pilatapis ofendircushwanchuraj? Chayno captinga, upälala cacushun (Pr 18:8; Flp 4:8).

• ¿Yaracuypachuraj? Pipis yaparir yaparir wilapäshuptiquiga, ama lapanta creicuychu.

CAY VIDEUTA RICÄCHIY: ¡CUENTO PURICHEJ CASHUNCHU! NIRCUR TAPUPÄRIY:

• Proverbios 12:18 texto nishganno, ¿cuentistero runa captinchiga imaraj pasanman?

• Filipenses 2:4 textuga, ¿imanotaj yanapamanchi yarpachacunapaj waquincunapita parlanapaj?

• ¿Imatataj rurashwan waquincuna juccunapita washanta parlapäcuptin?

• ¿Ima tapucuycunataj tapucunanchi waquincunapita manaraj parlar?