¿Rasunpacu Jehová musyan noganchipaj ima ali cashganta? ¡Aumi ari! Caypita convencido caycarga, Jehová pushamänanchita jaguirishun, chaynomi yachaj cashganchita ricächicushun (Pr 16:3, 9). Öraga jucnopa yarpar sasa canman Jehovapa consejunman yäracunapaj. Camashgancunata ricar Jehová más yachaj cashganman yarpachacur payman más yäracushun (Pr 30:24, 25; Ro 1:20).

CAY VIDEUTA RICÄRIY: ¿JINAYLAPITACHURAJ YURIMUSHGA? ¿IMANIRTAJ TICSACUNAGA MANA CUMANACUYPA PURIPÄCUN? NIRCUR CAY TAPUCUYCUNAPITA PARLACAMUY:

• Ticsacunaga waran waran, ¿imataj rurapäcun?

• ¿Imataj ticsacuna ruran jucnin jucnin mana cumanacunanpaj?

• ¿Imataj yachacunchi ticsacuna mana cumanacuypa puripäcushganpita?

CAY VIDEUTA RICÄRIY: ¿JINAYLAPITACHURAJ YURIMUSHGA? TINYAJ WAYRAPTIN CONTROLACUNMI. NIRCUR CAY TAPUCUYCUNAPITA PARLACAMUY:

• ¿Imanirtaj sasa canman ichicnayla aviun vuelananpaj?

• ¿Imanotaj tinyajga wayraptin controlacun?

• Tinyaj yachaywan camashga cashganta ricar, ¿imanotaj avión rurajcunata yanapanman?

Tiyashgayqui sitiucho, ¿imacunataj ricashgayqui Jehová yachaj cashganta ninayquipaj?