¿Predicaycanquinacu, o chayraj Bibliapita yachacuycanqui? ¿Bautizacärinayquipaj yarpachacuycanquicu? ¿Imanirtaj bautizacunquiman? Jehovalata sirvinapaj awnicuptinchi, nircur bautizacuptinchi, Jehovawan más amigo cashun y salvacuytapis puedishunmi (Sl 91:1; 1Pe 3:21). Jehovalata sirvinayquipaj manaraj awnicur y bautizacurir, ¿imacunatataj ruranquiman?

Imalatapis shumaj mana tantiacurga, tantianayquipaj mastaraj yachacuy, convencido caycänayquipaj (Ro 12:2). Imalapis cambianayquipaj captinga, Jehovata cuyashpayqui chayta ruray (Pr 27:11; Ef 4:23, 24). Jehová yanapashunayquipaj mañacuy, payga santo espiritunwanmi yanapashunqui (1Pe 5:10, 11). Calpachacushgayquiga alimi, Jehovata sirviyga manami imawanpis igualanchu (Sl 16:11).

CAY VIDEUTA RICÄCHIY: BAUTIZACUNAYQUIPAJ RURAYCUNA. NIRCUR TAPUPÄRIY:

• ¿Imacunapätaj waquincuna pasargan bautizacunanpaj?

• ¿Imatataj ruranquiman Jehovalata sirvinayquipaj mañacuycur awnicunayquipaj?

• ¿Imanirtaj waquincuna bautizacur Jehovalata sirvinanpaj decidirgan?

• ¿Imanotaj Jehová bendicin sirvejnincunata?

• ¿Imataj Jehovalata sirvinapaj mañacuy y imataj bautismo?