Salmos 62:1-12
(1) Cantaqkunapa mandaqninpaqmi. Jedutúnpaqmi. David qelqashqan salmu.
62 (2) Tayta Dioslami ali kawanäpaq yanapaman.Paypitami salvacionnï kaykan.
2 (3) Paylami salvaman y imapitapis tsapäman.Pakakunä qaqa kaptinmi mana aliman ishkishaqtsu.*
3 (4) Qamkunaqa ¡imayyaqraq atacaykämanki!¡Imayyaqraq ushakätsimayta munarkaykanki!Juchunaykaq perqatanömi tanqarkaykämanki.Tuninaykaq qenchatanömi kumarkaykämanki.
4 (5) Qamkunaqa ushakätsimänalaykipaqmi yarpachakurkaykanki.Lulakurqa pasaypami kushikärinki.Janan shonqulami alitupämanki.Shonquykichöqa nanaparaykämankimi. Selah
5 (6) Tayta Dioslami jawkala kawanäpaq yanapaman.Paylamanmi imaypis yärakü.
6 (7) Paylami salvaman y imapitapis tsapäman.Pakakunä qaqa kaptinmi mana aliman ishkishaqtsu.
7 (8) Tayta Dioslami salvamaqnïqa.Pay yanapamaptinmi kushishqa kawaykä.Paymi tsapäman y ali rikaman.
8 (9) Marka mayikuna, ima kaptinpis Tayta Diosman imaypis yärakushun.Lapan shonquntsiwan payta manakushun.Tayta Diosmi tsapämaqnintsi kaykan. Selah
9 (10) Runakunaqa waktsapis y rïcupis jämaynölami kaykan.Lapan runata shuntarkur balanzacho pësaptin manami aykäpis lasantsu.
10 (11) Tsayno kaptinqa ama suwakuytsu.Jukpa imantapis apakushqaykiwan ama runa tukäriytsu.Rïcuyarpis qellaymanqa ama yärakäriytsu.
11 (12) Tayta Dios, atska kutimi mayashqä munayniyuq
12 (13) y kuyapäkuq kashqaykita.Kawashqanman tupumi pitapis juzganki.*
