Salmos 58:1-11
(1) Cantaqkunapa mandaqninpaqmi. Ama ushakätsiytsu nishqan tönuwan kay salmuta cantapäkunki. David qelqashqan.
58 (2) Munayniyuq autoridäkuna, ¿rasunpaku runakunata ali juzgarkaykanki?¿Aliku runakunata arreglarkaykanki?
2 (3) Qamkunaqa mana alita ruranalaykipaqmi yarpachakurkaykanki.Tsaynöpami kay nacioncho runakunata chikinakarkaykätsinki.
3 (4) Fiyu runakunaqa yurishqanpita patsami fiyu kaykan.Lulakuqkunapis yurishqanpita patsami lulakurkaykan.
4 (5-6) Tsay runakunaqa venënuyuq culebrano fiyumi karkaykan.Brüju tukapaptinpis mana wiyakuq culebranömi karkaykan.Ali runakuna tantiyatsiptinpis upa tukushpan manami chaskikärintsu.
5 -
6 (7) ¡Tayta Dios, fiyu runakunapa kirunkunatapis uchuratsiy!¡Tsay leonkunapa waquntapis pakirqäriy!
7 (8) Maki paltacho yaku elqashqanno paykuna elqätsun.Nänicho qewa tsakiqno ushakätsun.
8 (9) Qewshupa* yupin ushakashqanno ushakätsun.Shulu wamrano atsikyay patsata ama rikapäkutsuntsu.
9 (10) Manaraqpis tantiyakuptin tsaki kashatano nina rupar ushatsun.Asyaq jachata lukirir jitashqanno kawaykaqta rabyashqa jitaritsun.
10 (11) Contrankuna tsayno ushakaptin Tayta Diosta cäsukuqkunaqa kushikärinqami.Chikiqninkunapa yawarninwanraqmi chakinkunatapis kushishqa maylakärinqa.
11 (12) Tsawraqa lapanpis kayno nipäkunqa:“¡Tayta Diosta alipaqmi wiyakurqantsi!¡Tayta Diosqa lapan runakunatami juzganqa!”
Ichic wilacuycuna
^ 58.8 Wakin runakunaqa raqipa nipäkun.
