Salmos 126:1-6
Kay salmuqa Jerusalénman aywaqkuna alabananpaqmi kaykan.
126 Karu nacioncho kashqantsipita *Siónman TAYTA DIOS kutitsimaptintsi sueñuykashqantsitami yarparqantsi.
2 Tsaymi pasaypa kushikur Tayta Diosta alabarqantsi.Juk nacioncho taq runakunapis kaynömi nipäkurqan:“¡Espantaypaq kaqkunata rurarmi paykunata TAYTA DIOS yanapashqa!”
3 TAYTA DIOS alimi yanapamashqantsi.Tsaypitami pasaypa kushishqa kaykantsi.
4 TAYTA DIOS, nawpata yanapamashqaykinöla kananpis yanapaykalämay.Tsaki jirkaman tamyatsimuptiki raqrakunapa yaku aywaqnöraq bendicionniki kaykulätsun.
5 Murushqan höra waqarpis cosëchata shuntarqa kushikärinqami.
6 Murukuycho waqarpis cosëchachöqa trïgu manöjukunata marqashqa kushishqami kutipäkamunqa.
Ichic wilacuycuna
^ Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
