Salmos 114:1-8
114 Jacobpita miraq Israel runakuna Egiptupita yarqamur nacionninman chayaptinmi*
2 Tayta Dios täkunan nación rikakurqan.Israel runakunami Tayta Dios mandashqan nación rikakurqan.
3 Israel runakuna aywaykämuqta rikarmi lamarpis ishkayman rakikarqan.*Jordán mayupis aywaykashqanpita jinalanchömi takyakäkurqan.*
4 Puntakunapis carnishnömi saltaykacharqan.Qaqakunapis uysha malwanömi pañarqan.
5 Lamar, ¿imanirtaq ishkayman rakikashqanki?Jordán mayu, ¿imanirtaq takyashqanki?
6 Jirkakuna, ¿imanirtaq carnishno saltaykachashqanki?Qaqakuna, ¿imanirtaq uysha malwano pañashqanki?
7 Patsa, Jacob yärakushqan TAYTA DIOSPA nawpancho mantsakur siksikyay.
8 Paymi qaqapita yakuta pashtatsimurqan.Rumi kashqanchömi pukyuta yuritsimurqan.*
Ichic wilacuycuna
^ 114.1 Éxo. 12.51.
^ 114.3a Éxo. 14.21; Sal. 66.6; 74.13.
^ 114.8 Éxo. 17.1-7; Núm. 20.2-13.
