Proverbios 23:1-35
23 Mandaq runawan mikurqa imanir qaraykäshushqaykitapis shumaq tantiyakunki.
2 Mayjina yarqanarpis awantakunki.
3 Ali ali mikuyta rikarpis ama munapankitsu.Capaz sakyashunayki kashqa mikuyta qaraykäshunki.
7
4 Rïcu kanalaykipaqqa ama aläpa yarpachakuytsu.
5 Shumaq tantiyakuptikiqa ima riquëzapis ushakaqlami kaykan.Anka pärir aywakuqnömi riquëzaykipis ushakäkunqa.
8
6 Micha runapa wayinman mikuq ama aywaytsu.Ali alita yanukuptinpis ama munapaytsu.
7 Payqa kachi tupuq karmi janan shonqula kayno nishunki: “Shamunki mikunantsipaq upunantsipaq”.
8 Janan shonqula qayatsishushqaykita tantiyakur mishkila mikurkurpis penqakunkipaqmi.Kuyatsikur alabashqaykipis manakaqlapaqmi kanqa.
9
9 Mana tantiyakuq runataqa imatapis ama yätsiytsu.Yätsishqaykitapis manakaqmanmi churanqa.
10
10 Mujunninpaq unay jawishqan wankata ama wititsinkitsu.Waktsakunapa chakranta ama qechunkitsu.
11 Pasaptikiqa munayniyuq Tayta Diosmi paykunapa favornin sharkur castigashunki.
11
12 Yachatsishushqaykita lapan shonquykiwan chaskikuy.Yätsishushqaykitapis shumaq wiyakuy.
12
13 Wamrata shumaq corrigiy.Juk ishkay maki astashqaykiwanqa manami wanunqatsu.
14 Tsaypa trukanqa wanuypitami salvankipaq.
13
15 Yachaq runa rikakuptiki noqami mas kushikushaq, hïju.
16 Ali kaqkunalata parlashqaykita mayar pasaypami kushikushaq.
14
17 Jutsa ruraq runakuna imaykayuqpis rikakuptin ama chikipankitsu.*Tsaypa trukanqa waktsala karpis TAYTA DIOSTA *mantsakunki.
18 Tsaynöpami imaypis ali kawankipaq.Lapan munashqaykitami tarinkipaq.
15
19 Yätsishqäta shumaq mayamay, hïju.Tantiyakuykur imatapis shumaq ruray.
20 Upyaq runawan y aläpa mikuq runawanqa ama juntakaytsu.
21 Upyalaman churakashqa runaqa y aläpa mikuq runaqa pasaypami waktsayan.Tsaynölami qela runapis röpanta oqran.
16
22 Taytayki yätsishushqaykita shumaq chaskikunki.Mamayki chakwanyaptinpis manakaqman ama churankitsu.
23 Rasunpa tantiyakuq kanaykipaq imaykanöpapis yachakuy.Tantiyakuq kashqaykitaqa imaypis ama qonqaytsu.
24 Tsurin ali kaptinqa papänin kushishqami kawan.Shumaq yachaptinqa waräwami* purin.
25 ¡Mamayki y taytayki kushikärinanpaq ali kaway!“Wamrä alimi yachan” nir kushikäritsun.
17
26 Lapan shonquykiwan cäsukamay, hïju.Imano kawashqätapis rikakamay.
27 *Wayrapakuq warmiqa patsapa shiminno mantsariypaqmi kaykan.
28 Tsay niraq warmiqa uywakunata shuyaraq leonnömi runakunata jutsaman tunitsinanpaq shuyaraykan.
18
29 ¿Pïkunataq aläpa nakapäkun?¿Pïkunataq aläpa lakikärin?¿Pïkunataq pasaypa rimanakur y jaqayätsinakur kawapäkun?¿Pïkunataq manakaqlapita pelyapäkun y nawinkunapis qoyuylana puripäkun?
30 Paykunaqa karkaykan upyalaman churakashqa runakunami.Shinkatsikuqkunata talu talurkur upyarmi imaypis tsayno puripäkun.
31 Väsucho vïnu pukaypa pukaykar munapaypaq kaptinpis ama upyankitsu.Mishkila ultaptikipis
32 culebrapa venënunnömi nanätsishunkipaq.
33 Shinkakurkurqa tsakäpakushqanömi rikapakur purinkipaq.Tsaynöpis manakaqkunata rimarmi purinkipaq.
34 Umaykipis pasaypami jirurunqapaq.*Büqui chawpincho ichiraykaq qeru puntanman witsaptiki umayki jiruruqnömi kankipaq.
35 Tsaymi kayno ninkipaq:“Maqamaptinpis manami nanayta mayashqätsu.Astamaptinpis manami nanätsikushqätsu.Rikcharkamurqa uma jampiqraqmi aywashaq”.
Ichic wilacuycuna
^ 23.17-18 Sal. 37.1-4.
^ mantsakuy, Diosta mantsakuy Tayta Diosta mantsakurqa tantiyantsi kuyakuq y perdonakuq karpis jutsa rurayta mana kachariqkunata castigashqantami (Éxo. 34.6; Heb. 10.31). Tayta Dios munayniyuq kashqanta rikar Israel runakunapis payta mantsakurqanmi (Éxo. 14.31; Jos. 4.24; 1Sam. 12.18). Tsaymi Tayta Diosta mantsakur payta adorar cäsukuntsi (Deut. 5.29; 10.12-13; Jos. 24.14) y runa mayintsiwan ali kawantsi (Lev. 25.17, 36, 43). Tayta Diosqa payta mantsakuqkunapa amïgunmi kaykan (Sal. 25.14).
^ 23.24 Wakin runakunaqa orgullösumi nipäkun.
^ wayrapakuq warmi Wayrapakuq warmiqa pägupaq rayku jukwan jukwan kakuq warmimi kaykan. Tsayno warmikunata Tayta Dios imaypis mana perdonananpaq kashqanta runakuna yarpaptinpis Jesucristuqa nirqan jutsankunata kacharir Tayta Dios munashqanno kawarqa perdonashqa kananpaq kashqantami (Mat. 21.31-32; Heb. 11.31).
^ büqui Büquiqa yaku jananpa purinanpaq tablapita rurashqa jatunkaray artësanömi kaykan. Tsay büquikunawanmi lamarcho y jatun qochakunacho pescäduta tsaripäkun y juk lädu markakunapapis aywapäkun. Bibliata qelqashqan witsanqa qeruta cruztano ruraykurmi büquicho ichitsipäkurqan. Tsay cruzmanmi rakta tëlata ishkan jana kaq kuchunkunapita watarqan. Ura kaq kuchunkunatanami büquiman watapäkurqan wayraptin aywananpaq (Luc. 8.22-25; Hech. 27.17).
