Números 1:1-54
1 Israel runakuna Egiptupita yarqamushqan juk wata y juk killa pasarkuptinmi Sinaí chunyaq jirkacho karkaykarqan. Tsay junaqmi Tinkuna Tolducho Moisésta TAYTA DIOS kayno nirqan:
2 “Israel runakunapa jutinkuna ima kashqanta y ayka kashqantapis musyanaykipaq aylunpa aylunpa y castanpa castanpa censapäkuy.*
3 Censashpayki ishkay chunka (20) watayuqpita janaman jutinkunata apuntapäkuy. Tsay runakunaqa guërraman aywapäkunanpaq kalpanchönami karkaykan. Censaychöqa Aarónmi yanapashunki.
4 Tsaynöpis cada trïbupita juk mandaqta churanki censayta yanapashunaykipaq.
5 Paykuna kanqa:Rubén trïbupita Sedeurpa tsurin Elisur,
6 Simeón trïbupita Zurisadaipa tsurin Selumiel,
7 Judá trïbupita Aminadabpa tsurin Naasón,
8 Isacar trïbupita Zuarpa tsurin Natanael,
9 Zabulón trïbupita Helónpa tsurin Eliab,
10 Efraín trïbupita Amiudpa tsurin Elisama,Manasés trïbupita Pedasurpa tsurin Gamaliel (Efraín y Manasésqa karqan Josépa tsurinkunami),
11 Benjamín trïbupita Gedeonipa tsurin Abidán,
12 Dan trïbupita Amisadaipa tsurin Ahiezer,
13 Aser trïbupita Ocránpa tsurin Pagiel,
14 Gad trïbupita Reuelpa tsurin Eliasaf
15 y Neftalí trïbupita Enánpa tsurin Ahira”.
16 TAYTA DIOS nishqannölami cada trïbupita tsay mandaq runakunata Moisés akrarqan censayta yanapananpaq.
17 Tsay akrashqan runakunawan Moisés y Aarón juntakaykurmi
18 lapan Israel runakunata qayatsirqan. Tsay juntakashqan junaqmi karqan ishkay kaq killa qalaykunan junaq. Tsaychömi Israel runakunata aylunpa aylunpa y castanpa castanpa censapäkurqan. Tsayno censarmi ishkay chunka (20) watayuqpita janaman olqu kaqkunata padrunarqan.
19 TAYTA DIOS nishqannöla Sinaí chunyaq jirkacho lapan olqu kaqkunata Moisés censatsirqan.
20 Cada ünunpa jutinta apuntarmi aylunpa aylunpa y castanpa castanpa censapäkurqan. Tsaynöpami musyapäkurqan ishkay chunka (20) watayuqpita janaman ayka olqu runakuna kashqanta. Tsay runakunaqa guërraman aywapäkunanpaq kalpanchönami karqan.Israelpa qechpa tsurin Rubén trïbupitami karqan chusku chunka soqta waranqa pitsqa pachak (46,500) runakuna.
21 -
22 Simeón trïbupitami karqan pitsqa chunka isqun waranqa kimsa pachak (59,300) runakuna.
23 -
24 Gad trïbupitami karqan chusku chunka pitsqa waranqa soqta pachak pitsqa chunka (45,650) runakuna.
25 -
26 Judá trïbupitami karqan qanchis chunka chusku waranqa soqta pachak (74,600) runakuna.
27 -
28 Isacar trïbupitami karqan pitsqa chunka chusku waranqa chusku pachak (54,400) runakuna.
29 -
30 Zabulón trïbupitami karqan pitsqa chunka qanchis waranqa chusku pachak (57,400) runakuna.
31 -
32 Josépa tsurin Efraín trïbupitami karqan chusku chunka waranqa pitsqa pachak (40,500) runakuna.
33 -
34 Josépa tsurin Manasés trïbupitami karqan kimsa chunka ishkay waranqa ishkay pachak (32,200) runakuna.
35 -
36 Benjamín trïbupitami karqan kimsa chunka pitsqa waranqa chusku pachak (35,400) runakuna.
37 -
38 Dan trïbupitami karqan soqta chunka ishkay waranqa qanchis pachak (62,700) runakuna.
39 -
40 Aser trïbupitami karqan chusku chunka juk waranqa pitsqa pachak (41,500) runakuna.
41 -
42 Neftalí trïbupitami karqan pitsqa chunka kimsa waranqa chusku pachak (53,400) runakuna.
43 -
44 Paykunatami Moisés, Aarón y chunka ishkay mandaq Israel runakuna censapäkurqan. Tsay mandaq runakunaqa cada trïbupita jukmi karqan.
45 Paykuna censapäkurqan ishkay chunka (20) watayuqpita janamanmi. Censashqan runakunaqa guërraman aywapäkunanpaq kalpanchönami karkaykarqan.
46 Aylunpa aylunpa censapäkushqan runakunami karqan soqta pachak kimsa waranqa pitsqa pachak pitsqa chunka (603,550) runakuna.
Levitakunata mana censashqan
47 Israel runakunata censar *levitakunataqa manami censapäkurqantsu.
48 Tsayno mana censananpaqqa TAYTA DIOSMI Moisésta kayno nirqan:
49 “Israel runakunata censar levitakunataqa ama censankitsu.
50 Paykunataqa churanki *Pactu Tolduta y tsaycho kaq manëjukunata shumaq rikananpaq. Maypa aywapäkuptikipis *Sagrädu Tolduta, manëjunkunata paykunalami apapäkunqa. Tsaynöpis Sagrädu Toldu nawpalanpami jiruruypa toldunkunata sharkatsipäkunqa.
51 Maypa aywapäkuptikipis paykunalami Sagrädu Tolduta paskarir apapäkunqa. Mayman chayapäkuptikipis Sagrädu Tolduta paykunalami sharkatsipäkunqa. Mayqanpis levita mana kaykar Sagrädu Tolduman witiq kaqqa wanunqami.
52 Wakin trïbu Israel runakunaqa bandëran kashqan kaqchömi punta punta toldunkunata sharkatsipäkunqa.
53 Levitakunaqa Pactu Toldu nawpankunapa jiruruq toldunkunata sharkatsipäkunqa. Tsaynöpami täpanqa pipis lutala mana yaykunanpaq. Lutala yaykuptin imaptinqa rabyashpämi Israel runakunata castigashaq”.
54 Moisésta TAYTA DIOS nishqannölami Israel runakunaqa lapanta rurapäkurqan.
Ichic wilacuycuna
^ 1.2 Núm. 26.1-51.
^ levita Levita runakunaqa karqan Jacobpa tsurin Levípita miraq runakunami. Paykunami templucho cürakunata yanaparqan (Núm. 1.47-54; 3.5-39). Templu manaraq kaptinmi Dioswan Tinkuna Tolducho yanaparqan (1Crón. 24–26). Levitakunatami rey Josafat kacharqan markan markan Diospa leyninkunata yachatsipäkunanpaq (2Crón. 17.7-9).
^ Pactu Toldu Pactu Tolduqa Tayta Dioswan Tinkuna Toldumi karqan. Tsayno jutin karqan Israel runakunawan pactuta rurar paykunawan imaypis kananpaq Tayta Dios promitishqa kaptinmi. Tsay tolducho Tayta Dios kaptinmi Pactu Toldu kashqanta y Tayta Dioswan Tinkuna Toldu kashqanta nipäkurqan (Éxo. 38.21; Núm. 1.50; 2Crón. 24.6; Hech. 7.44; Apoc. 15.5). Tsaynöla Tinkuna Toldupita tantiyatsikuyta liyinki.
^ Sagrädu Toldu Liyinki Tinkuna Toldupita tantiyatsikuyta.
