Ucrania naciuncho guerra cashganraycur y mana ali clima cashganraycurpis micuycuna pishiycanna. Masraj waquin naciuncunacho waccha runacunapaj.

•   “Micuycuna cananpaj y lapan runacunaman chayananpäpis alapa sasa caycan cay guerraraycur, mana ali climaraycur y ima necesitashgancunapis chanin cashganraycur” (António Guterres, secretario general de las Naciones Unidas, 17 juliupita, 2023).

•   “Ucraniawan acuerdupita Rusia nación witicushganraycur, estudioso runacuna nipäcun may chaychopis micuycuna pishirna galaycunga. Chayraycur yachaj runacuna nipäcun cay munducho may chaychopis muchuy cananpaj cajta; más laquicuypäshi canga Africacho y Oriente Medio nishgancho, rantinapaj micuy masraj chanin canga” (Atalayar.com, 23 juliupita, 2023).

 Ricärishun Biblia imata wilacun micuycuna pishishganpita y shamoj tiempucho ima pasananpaj cajpita.

•   Jesús cayno wilacurgan: “Juk marka runakunami juk marka runakunawan wanutsinakunqa. Tsaynölami muchuypis [...] kanqa” (Mateo 24:7, Tayta Diospa Wilacuynin).

•   Apocalipsis librucho wilacun chuscu cawallucuna montaraycajpita. Jucnin caj puca cawallu guerrawan tincun, y yana caj cawalluna tincun muchuywan. Biblia wilacurganna muchuy tiempo chayamunanpaj, y chay wichanmi micuycuna pishishganraycur alapa chanincho ranticärinanpaj. Apocalipsis 6:5, 6 nin: “Yana cawallu shamuqta rikarqä. Muntaraqmi balanzan aptashqa kaykarqan [...] kayno nimuqta mayarqä: ‘¡Muchuymi kanqa! Tsaymi juk junaq arur gänashqan aypanqa juk kïlu trïguta o kimsa kïlu cebädata rantinalanpaq’”.

 Biblia wilacushganga cay “ultimu tiempucho” cumplicaycan (2 Timoteo 3:1). Cay “ultimu tiempucho” profeciacuna imano cumplicaycashganta musyayta munarga 1914 watapita masraj mana alicuna galaycamush nej videuta ricäriy, y montaraycaj chuscu cawallucunapita musyanayquipäpis cay yachachicuyta leiriy “¿Qué representan los jinetes del Apocalipsis?”.

•   Bibliachoga consejucuna caycan imano cay sasa tiempucho cawacunanchipaj, muchuy captin y micuycuna alapa chanin captin. Chaypäga “Cómo vivir con menos” nej yachacuycho ali consejucunata tarinqui.

•   Jinamanpis Bibliaga wilamanchi shamoj tiempucho ali caway chayamunanpaj, chayga shacyächimanchi. Caycunata aunimanchi “trïgu shumaq wayuykulätsun”, y chaychoga pipis ‘micanaycä’ nengapächu (Salmo 72:16). Chay cawacuy imano cananpaj y Diospa aunicuynincunaman yäracunayquipäga cayta leiriy “La esperanza real de un mañana mejor”.