Mundontinmanta uj informepi nisqanman jinaqa tawa runasmanta uj runa sapayakun. a

•   Chido Mpemba nin: “Wajkunamanta karunchakoyqa mayqen runatapis llakiyman chayachinman, mashkha edadniyojpis kachun, may lugarmantapis kachun”, nispa (Copresidenta de la Comisión de la Organización Mundial de la Salud sobre Conexión social).

 Tʼukunapaj jina mana machitu runasllachu chayri sapitanku tiyakojkunallachu sapayakunku, manaqa sapayakullankutaj jovenespis, sanitos kajkunapis, casadospis, allinta kausakojkunapis. Wajkunamanta karunchakojtinchej, sapayakojtinchej imaqa sinchʼita onqoykusunman, llakisqallataj kasunman.

•   Vivek Murthy nin: “Sapayakoj runaqa mana llakisqallachu sientekun, manaqa sapayakusqanrayku wañuypataman chayanman sapa día 15 cigarrosta pitaj runa jina”, nispa (Director general de Salud Pública de Estados Unidos).

 Ruwawajninchej Diosninchejqa mana munanchu wajkunamanta karunchakunanchejta. Diosninchejqa munan sumaj amigosniyoj kananchejta, paykunawantaj kusirikunanchejta.

•   Biblia nin: “Diosqa nerqa: ‘Mana allinchu runaqa sapallan kanan’”, nispa (Génesis 2:18).

 Diosqa amigosnin kananchejta munan. Diosqa niwanchej payman qayllaykunapaj kallpachakojtinchej, paypis qayllaykamunallawanchejtataj (Santiago 4:8).

•   Biblia nin: “Kusisqa kanku Diosta necesitasqankuta reparakojkunaqa, cielopi kaj Gobiernoqa paykunajta”, nispa (Mateo 5:3).

 Diosqa munan wajkunawan khuska payta yupaychananchejta. Chayta ruwaspaqa aswan kusisqa kanchej.

•   Biblia nin: “Ujkuna ujkunawan purajmanta qhawarinakunachej, ajinamanta astawan munakuy kananpaj, allin ruwaykunatataj ruwananchejpaj. Amataj tantakuykunaman riyta saqenachu[...]. Astawanpis purajmanta kallpachanakuna”, nispa (Hebreos 10:24, 25).

 ¿Imaraykutaj mayta kallpachakunanchej tiyan mana sapayakunanchejpaj? Chaymanta astawan yachakunaykipajqa “Soledad en la era de la comunicación” nisqa yachaqanata leeriy.