Kay 2019 watamanta Torremanta Qhawaj revistasta leerqanki chayqa, kay tapuykunaman kutichiyta atiwaj.

Diosqa niwanchej: “Mana mayqen arma ruwasqankupis qanta chinkachisunampaj jina kanqachu”, nispa. Chay nisqanpi, ¿atienekusunmanchu? (Isa. 54:17).

Arí. Jehová Diosqa sajra runasmanta loco wayramanta jina jarkʼawasunpuni (Isa. 25:4, 5). Enemigosninchejqa mana wiñaypajchu ñakʼarichiwasun (w19.01, páginas 6, 7).

Cheqan kajta ruwaj Jehová, ¿cananeosta mana kasukoj israelitastawan qhawakullarqachu?

Mana. Jehová Diosqa khuchichakojkunata castigarqa, jinallataj warmista, wawasta ima sufrichejkunatapis. Chaywanpis israelitasta bendicerqa kasukojtinku, cheqan kajtataj ruwajtinku (w19.02, páginas 22, 23).

Mana testigo kajkuna orapuwajtinchej, ¿imatá ruwasunman?

Respetowan chʼinlla kakusunman. Mana allinchu kanman “amén” ninanchej, nitaj paykunaj makinkumanta japʼikunanchej. Munaspaqa Diosmanta chʼinsitullamanta mañakusunman (w19.03, página 31).

¿Imaraykutaj wawasta abusay millay jucha?

Imaraykuchus wawata abusajqa, wawaj contranpi juchallikun, jinallataj congregacionpa contranpi, autoridadespa contranpi, Diospa contranpiwan. Gobiernoj leyesnin wawasta abusajtinku denunciata churamunata kamachin chayqa, ancianosqa kasukunku (w19.05, páginas 9, 10).

¿Imaynatá yuyayninchejta mosojyachisunman?

Chaypajqa kay kinsa imasta ruwana: Jehová Diosmanta mañakuna, imaynachus kasqanchejta qhawarikuna, amigosninchejtataj sumajta ajllana (w19.06, página 11).

Runas qhatiykachawajtinchej sinchʼita sayanapaj, ¿imatá kunanmantaña ruwasunman?

Jehová Diosman kʼaskaykuna. Pay munakuwasqanchejta, ni jaykʼajtaj saqerparinawanchejta tukuy sonqo creena. Bibliata sapa día leena. Diosmantapis mana saykʼuspa mañakuna. Diospa Gobiernon bendicionesta apamunanmanta, ama iskayrayanachu. Gustawasqanchej textosta, Jehová Diosta jatunchanapaj takiykunatawan umanchejpi japʼina (w19.07, páginas 2 al 4).

¿Imatá ruwasunman familianchej salvakunankupaj?

Familianchejta entiendena, kausayninchejwan yanapana, pacienciakuna, kʼachastaj kana (w19.08, páginas 15 al 17).

Jesús qowanchej chay llankʼay, ¿imaraykutaj samarichiwanchej? (Mat. 11:28).

Imaraykuchus sumaj pusajkuna kapuwanchej, sumaj compañerosniyoj kanchej, may sumaj llankʼaytataj ruwashanchej (w19.09, página 23).

¿Imaynatá Dios kallpachawasunman ruwayta munananchejpaj, ruwayta atinanchejpajtaj? (Fili. 2:13).

Diospa Palabranta leejtinchej, chaypitaj tʼukurejtinchej, Diosqa kallpachawasunman munayninta ruwayta munananchejpaj, ruwayta atinanchejpajtaj. Payqa atiyninwan yanapawasunman, ruwayta yachasqanchejta aswan sumajta ruwanapaj (w19.10, página 21).

Kausayninchejpi imata ruwanapajpis, ¿imatá ñaupajta ruwananchej tiyan?

Kay phishqa imasta ruwana: allintaraj yachana, Diosmanta yachayta mañakuna, ima yuyaywanchus ruwayta munasqanchejta qhawarikuna, imatachus ruwayta munasqanchejta sutʼita yachana, atisqallanchejtataj ruwana (w19.11, páginas 27 al 29).

Alma mana wañusqanmanta creencia, ¿Satanás Evaman parlasqanpichu qallarerqa?

Manasina. Satanasqa Evaman nerqa mana wañunanta, nitaj nerqachu: “Cuerpollayki wañonqa, espirituykeqa mana wañonqachu”, nispa. Pantasqa yachachiykunaqa, Jatun Parapi chinkarqa. Chayrayku alma mana wañusqanmanta creenciaqa, Jehová Dios Babelpi runasta niraj chʼeqerachishajtinchá rikhurerqa (w19.12, página 15).