¿Imataj yanapawasunman sumajta kausakunapaj?
Ñaupaj yachaqanaspi yachakorqanchej jina, runaqa yuyan sumajta kausakunanpaj wakin imaspi creenan kasqanta, universidadman rinan kasqanta, qolqeyoj kanan kasqanta chayri kʼacha runa kanan kasqanta. Jinapis chay imasqa aswan qhepaman sumajta kausakunapaj mana yanapawanchejchu. Entonces, ¿imataj sumajta kausakunapaj yanapawasunman?
¿PITAJ SUMAJ YUYAYCHAYKUNATA QOWASUNMAN?
Imatapis ruwayta munaspaqa kurajkunasninchejta tapukunchej. Paykunaqa noqanchejmanta nisqa imallatapis aswan sumajta yachanku. Chayrayku sumajta kausakunapajqa pichus noqanchejmanta aswan kuraj, aswan yachayniyojtaj kashan chaypa yuyaychaykunasninpi atienekunanchej tiyan. Chay yuyaychaykunaqa Bibliapi kashan, mayqenchus 3.500 watas ñaupajtaña qhelqakuyta qallarikorqa.
¿Imaraykutaj Bibliapi atienekusunman? Imaraykuchus Bibliaqa Diospa yuyaychasqan, pay jina yachayniyojtaj ni pí kanchu. Payqa “Ashkha Watasniyoj Machitutaj”, ‘wiñaymantapacha wiñaykamataj’ (Daniel 7:9; Salmo 90:2). Diosqa ‘cielota Ruwaj, cheqa Dios, jallpʼata rikhurichej’ ima (Isaías 45:18). Payllataj willawanchej sutin Jehová kasqanta (Salmo 83:18).
Bibliaqa tukuy runas uj rejlla kasqanchejta nin. Imaraykuchus Bibliaqa Diospaj palabran, paytaj tukuy laya runasta ruwarqa. Bibliaj yuyaychaykunasnenqa tukuy lugaresmanta runasta yanapan. Chantapis Bibliaqa ni mayqen libro jina ashkha parlaykunapi traducikorqa, casi tukuypatataj ujpis kanpuni. * Chayrayku pillapis Bibliaj nisqanta entiendespa chayman jina kausakuyta atin. Chaymanta parlaspa, Biblia nin:
‘Diosqa tukuy runasta uj rejllata qhawan. Payqa allinpaj qhawan mayqen nacionllamantapis payta manchachikojta, allin kajtataj ruwajta’ (HECHOS 10:34, 35).
Jehová Diosqa uj kʼacha tata jina munakuwanchej, Biblianejtataj yanapawanchej (2 Timoteo 3:16). Jehová Dios ruwawasqanchejrayku yachan imachus allinninchejpaj kasqanta. Chayrayku Palabranpi atienekuyta atinchej.
¿Imatá ruwananchej tiyan sumajta kausakunapaj? Qhepan yachaqanapi chayta yachakusun.
^ párr. 6 Biblia traducikushasqanmanta, ashkha runasmantaj chayashasqanmanta astawan yachanaykipajqa Internetpi www.jw.org nisqaman yaykuy. Chaypajqa BIBLIAJ YACHACHIYKUNASNIN > BIBLIAWAN HISTORIAWAN nisqapi ñitʼiykuy.
^ párr. 16 Astawan yachakuyta munaspaqa La Biblia... ¿la Palabra de Dios, o palabra del hombre? nisqa libropi 9 capitulonta leeriy. Kaytaqa Jehovaj testigosnin orqhonku. Chaytaqa Internetpi www.jw.org nisqapi castellano parlaypi tariwaj. Chaypaj BIBLIOTECA > OTRAS PUBLICACIONES nisqaman yaykuy.
Kaykunatapis qhawaykurillawajtaj
TORREMANTA QHAWAJ
¿Imaynataj kausay qhepaman kanqa?
Yachakuy imatachus Diosninchej nisqanta aswan qhepaman imaynachus jallpʼapi kausay kananmanta, pikunachus chaypi tiyakunankumanta ima.
TORREMANTA QHAWAJ
¿Bibliaj yuyaychasqan kay tiempopi yanapawasunmanchu?
Ashkha yanapas kajtinpis, ¿Biblia yanapawasunmanrajchu? Biblia qhelqakusqanmantaqa, 2000 watas jinaña kashan.
TORREMANTA QHAWAJ
¿Pitaj yachanman imachus qhepaman kananta?
Diosqa qhepaman kausayninchej allin kananta nin. ¿Paypi atienekusunmanchu?
TORREMANTA QHAWAJ
Bibliaqa kusiy kausayta tarinapaj yanapawanchej
Kay sajra mundopi imaymana llakiykuna kajtinpis, Diospa Palabranqa chay llakiykunawan mana atipachikunapaj yanapawanchej. Jinapis Bibliaqa mana chayllapajchu yanapawanchej. Diospa Palabranqa wiñay kausayman pusaj ñanta rikuchiwanchej, chayninta purinapajpis.
