TORREMANTA QHAWAJ 1 kaj 2023 | ¿Munawajchu kusisqa kayta? Biblia yanapasunkiman
Jallpʼantinpi ashkha runasqa llakiywan onqoykunku. Chay onqoytaj imaymana edadniyoj runasta japʼinman, maypi tiyakojtinkupis, mayqen religionniyoj kajtinkupis, escuelayojchus manachus kajtinkupis, qhapaj chayri wajchas kajtinkupis. Chay jina runasqa mayta sufrinku. ¿Imaraykutaj runas llakiywan onqonku? Chanta, ¿imaynatataj sufrinku? Kay revistapi yachakusun imaraykuchus doctorwan yanapachikunanku kasqanta, imaynatachus Biblia paykunata yanapasqanta ima.
Sinchʼita llakikojkunaqa astawan yapakushanku
May chhika runas llakiywan onqoykunku, ima edayniyoj kajtinkupis chayri maymanta kajtinkupis. Qhawariy imaynatachus Biblia kusisqa kanaykipaj yanapasusqanta.
Diosqa noqanchejmanta llakikun
Jehová Diosqa imaynachus kashasqanchejta, imatachus yuyasqanchejtapis sumajta yachan. ¿Imaraykutaj chayta ninchej?
1 | Diosmanta mañakuy: ‘Tukuy llakiyniykita Diospa makinman saqepuy’
¿Diosman tukuy llakiyninchejtapunichu willakuyta atisunman? Llakiywan onqosqa kajkunata, ¿Diosmanta mañakuy yanapanmanpunichu?
2 | ‘Diosmanta Qhelqasqaqa sonqochakunapaj’
Bibliaqa nin pisimantawan tukuy llakiykuna chinkananta.
3 | Diospa kamachisninmanta yachakuy
Unay tiempomanta Diospa kamachisnenqa noqanchej jinallataj llakiykunasniyoj karqanku. Paykunaj kausayninkumanta leeyqa, mana noqallanchejchu sinchʼita llakikusqanchejta yachanapaj yanapawasun.
4 | Bibliaqa sumajta yanapasunkiman
Bibliata leesqaykipi tʼukuriy, atisqaykiman jinalla imata ruwaypis, mana anchata llakikunaykipaj yanapasunkiman.
Llakiywan onqosqa kajkunata yanapana
Llakiywan onqosqa kashaj familiarninchejta chayri amigonchejta yanapayta atisunman.
