1. 1. SATANASTA. Satanasqa uj sajra ángel, Diospa contrantataj oqharikorqa, chayrayku paynejta kay mundopi chejninakuy tiyan. Diosqa Satanasta chinkachenqa, tukuy pikunachus pay jina chejnikunku chaykunatapis (Salmo 37:38; Romanos 16:20).

2. 2. SATANASPA MAKINPI KAJKUNATA. Diosqa chinkachenqa imaschus chejninakuyta rikhurichisqanta: politicosta, religionesta kamachejkunata, jatuchaj negociostapis, mayqenkunachus qolqeta ganayllaman rinku, runata chʼaukiyaspataj aprovechakunku chaykunata (2 Pedro 3:13).

3. 3. JUCHASAPA KAYNINCHEJTA. Bibliaqa sutʼinchawanchej tukuy runas juchata herenciata jina japʼisqanchejta. Chayrayku sonqonchejpis yuyayninchejpis sajra kajta ruwayllaman aysakunku (Romanos 5:12). Juchasapa kasqanchejraykullataj wajkunatapis chejnikunchej. Jinapis Diosqa juchamanta kacharichikunanchejpaj yanapawasunchej, sonqonchejpitaj niña ni uj chhikan chejnikuy kanqachu (Isaías 54:13).

1. 1. TUKUYPAJ JUSTICIA KANQA. Diospa Gobiernonqa mundontinta cielomantapacha kamachimonqa, chay gobiernolla justiciata ruwanqa, wiñaypajtaj sayanqa (Daniel 2:44). Chantapis chejninakuy, japʼinakuypis manaña kanqachu. Diosqa justiciata ruwanqa tukuy pikunachus ñakʼarishanku chaykunapaj (Lucas 18:7).

2. 2. TUKUYPAJ ALLIN KAUSAY KANQA. Niña pipis sufrenqachu guerras kasqanrayku, nitaj maqanakuykuna kasqanrayku (Salmo 46:9). Jallpʼantinpi allin kausayta munajkunalla kausakonqanku, chayrayku niña imatapis manchachikusunchu (Salmo 72:7).

3. 3. KAUSAYQA KʼACHITU KANQA. Tukuypis runa masinta munakonqanku (Mateo 22:39). Niña imapis sufrichiwasunchu, nitaj llakichiwasqanchej imastapis yuyarikusunñachu (Isaías 65:17). Chejninakuy chinkasqata chinkajtin, runasqa ni ima llakiyniyoj allin kusisqa kausakonqanku (Salmo 37:11).

¿Ajinata kausakuyta munawajchu? Kay tiempopiña may chhika Jehovaj testigosnin jallpʼantinpi mana chejninakuspa kausakunku. Chaypajqa Bibliaj yuyaychaykunasnin yanapan (Salmo 37:8). Waj llajtasmanta kaspapis uj jatun familia jina munanakusqankurayku ujchasqa kausakunku (Isaías 2:2-4).

Jehovaj testigosnenqa kusiywan yacharichiykuman imatachus Biblia nisqanta mana cheqan ruwaykunamanta, chejninakuymantawan. Imastachus yachakusqaykeqa pisimanta pisi yanapasonqa manaña wajkunata chejnikunaykipaj, astawanpis munakunaykipaj. Reparankitaj imaynatachus wajkunawan allinta apanakunaykita, paykuna mana kʼachas kajtinkupis chayri chejnikusojtinkupis. Chayta ruwaspataj aswan kusisqa kanki, wajkunawantaj aswan allinta kausakunki. Astawanqa sutʼita yachanki imatachus ruwanayki kasqanta kusisqa kausakunaykipaj, maypachachus Diospa Gobiernon kay jallpʼamanta chejninakuyta wiñaypaj chinkachenqa chaypacha (Salmo 37:29).