LECCIÓN 14
Diosta kusichinapaj jina yupaychana
Ñaupaj leccionpi yachakorqanchej Diosqa mana tukuy religionestachu allinpaj qhawasqanta. Jinapis payta kusichinapaj jina yupaychayta atisunman. ¿Imaynata yupaychananchejtataj Dios munan? (Santiago 1:27). Qhawarina imatachus Biblia nisqanta.
1. ¿Maypitaj Dios willawanchej imaynatachus payta yupaychanata?
Imaynatachus Diosta yupaychanataqa Bibliapi willawanchej. Jesús nerqa: “Palabraykeqa cheqapuni”, nispa (Juan 17:17). Wakin iglesiasqa, mana Bibliaj yachachiykunasninta valechinkuchu. Astawanpis runaspa yachachiynillankuta, yuyasqallankuta, costumbresnillankuta valechinku. Jehová Diostaj chayta mana allinpajchu qhawan. Payqa ‘kamachisqanta mana valechejkunapaj’ phiñakun (Marcos 7:9 leey). Jehová Diosta kusichinapajqa, Biblia nisqanman jina yupaychananchej tiyan, chayman jinataj kausakunanchej tiyan.
2. ¿Imaynatá Jehová Diosta yupaychana tiyan?
Jehovaqa tukuy imata ruwasqanrayku payllata yupaychanata munan (Apocalipsis 4:11). Chayrayku payllata munakuna, yupaychana ima, manataj uj santotachu, nitaj chayman rijchʼakoj imastachu (Isaías 42:8 leey).
Diosta yupaychayninchejqa ‘llimphu, payta kusichinapaj jinataj’ kanan tiyan (Romanos 12:1). Chaypajtaj kamachiykunasninman jina kausakunanchej tiyan. Payta munakojkunaqa casado kausayta jatunpaj qhawanku, nitaj millay viciosman qokunkuchu. Chayrayku mana cigarrota pitankuchu, mana drogakunkuchu, nitaj machankuchu. a
3. ¿Imaraykutaj Diosta yupaychanapaj tantakunanchej tiyan?
Sapa semana tantakuspaqa, ‘congregacionpi’ Jehovata jatunchanchej (Salmo 111:1, 2). Chayta ruwanchej Jehová Diospaj ‘alabanzasta takispa’ (Salmo 104:33 leey). Jehovaqa munakuwanchej, chayrayku chay tantakuykunaman rinanchejta munan. Payqa yachan chay tantakuykuna wiñay kausayta japʼinapaj yanapawasqanchejta. Diosta yupaychanapaj tantakuspaqa, purajmanta kallpachanakunchej.
ASTAWAN YACHAKUNA
Kaypi yachakusun imaraykuchus Jehová Dios mana munasqanta santosman kʼumuykukunanchejta. Chantá yachakusun imaynatachus payta yupaychananchej kasqanta.
4. Diosqa mana munanchu payta yupaychanapaj santosman qonqorikunata
¿Imaraykutaj Dios mana munanchu santosman qonqorikunata? Chayta yachanapaj VIDEOTA qhawariychej, chantá yachakojta tapuriy:
-
Ñaupa tiempopi israelitas, waka uña santota “dios” nispa yupaychajtinku, ¿imatá Jehová Dios ruwarqa?
Wakin runasqa, Diosman astawan qayllaykunankupaj santosman qonqorikunku. Chayta ruwaspa Diostachus chayri santosllatachus yupaychashasqankuta Bibliapi qhawarina. Éxodo 20:4-6; Salmo 106:35, 36 leeriychej, chantá yachakojta tapuriy:
-
Diosta yupaychashani nispa, ¿imasmantaj runas qonqorikunku chayri imastataj yupaychanku?
-
¿Jehová Dios allinpajchu qhawan santosman qonqorikunanchejta?
-
Qanrí, ¿imatá niwaj santosmanta?
5. Diosllata yupaychaspaqa llulla creenciasmanta, costumbresmantapis kacharichikusun
Jehová Diosta munayninman jina yupaychaspaqa, llulla creenciasmanta, costumbresmantapis kacharichikunchej. VIDEOTA qhawariychej.
Salmo 91:14 leeriychej, chantá yachakojta tapuriy:
-
Jehová Diosllata munakojtinchej, payllatataj yupaychajtinchej, ¿imatá pay noqanchejpaj ruwanqa?
6. Diosta yupaychanapaj tantakuspa payta yupaychanchej
Reunionespi tapuykunaman kutichispaqa, Jehová Diosta jatunchanchej, purajmantataj kallpachanakunchej. Salmo 22:22 leeriychej, chantá yachakojta tapuriy:
-
Reunionpi kajkuna makinkuta oqharispa parlarisqanku, ¿gustasunkichu?
-
Qanpis, ¿ajinata parlariyta munawajchu?
7. Bibliapi yachakusqanchejta wajkunaman willarejtinchej Jehová Diosqa mayta kusikun
Bibliapi yachakusqanchejtaqa, tukuy imaymanamanta wajkunaman willarisunman. Salmo 9:1; 34:1 leeriychej, chantá yachakojta tapuriy:
-
Bibliapi yachakusqaykimanta, ¿imatataj wajkunaman willariyta munawaj?
WAKIN RUNAS NINKU: “Diostaqa sapa uj munasqanchejman jina yupaychayta atinchej”, nispa.
-
¿Imatá qan niwaj chay nisqankumanta?
¿IMASTÁ YACHAKUNCHEJ?
Kaypi yachakunchej Jehová Diosllata yupaychajtinchej, reunionespi payllata jatunchajtinchej, yachakusqanchejta wajkunaman willarejtinchej ima, payta kusichisqanchejta.
Yuyarikunapaj
-
¿Maypitaj Dios willawanchej imaynatachus yupaychananchejta munasqanta?
-
¿Imaraykutaj Jehová Diosllata yupaychananchej tiyan?
-
¿Imaraykutaj wajkunawan khuska Diosta yupaychananchej tiyan?
ASTAWAN YACHAKUNAYKIPAJ
Uj warmeqa qhasi dioskunata niña yupaychasqanmanta kusikorqa. Chayta yachanaykipaj “Manaña santosta yupaychanichu” nisqata leeriy.
“Bibliaqa cambianankupaj yanaparqa” (La Atalaya, 1 de julio de 2011)
¿Imaynatá tantakuykunapi tapuykunaman kutichisunman? Chayta yachanaykipaj kayta leeriy.
“Tantakuypi Jehová Diosta jatunchana” (Torremanta Qhawaj, enero de 2019)
Reunionesqa uj onqosqa joventa yanaparqa. Chaypaj kay videota qhawariy.
Diosta yupaychanapaj, ¿cruzta apaykachanachu kanman? Chayta yachanaykipaj kayta leeriy.
a Chaykunamantaqa waj leccionpi astawan yachakusun.
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
