Astawan rejsinawaykupaj kay folletota leerisqaykimanta mayta agradeceyku. Kay folletopeqa imaynachus kasqaykuta, imastachus ruwasqaykuta, imaynatachus llankʼasqaykuta ima yachakorqanki. Chantapis sutʼitachá repararqanki noqallayku Jehová Diospa munayninta ruwashasqaykuta. Chayrayku Diosmanta yachakullaypuni. Chantapis familiaykiman, amigosniykiman yachakusqaykimanta willariy, tantakuykunasniykumantaj jamullaypuni (Hebreos 10:23-25).

Jehová Diosmanta astawan yachakuspaqa, munakususqanta astawan reparanki. Payta munakuspataj tukuy imata ruwanki payta kusichinaykipaj jina (1 Juan 4:8-10, 19). ¿Imaynatá Diosta munakusqaykita sapa pʼunchay rikuchiwaj? ¿Imaraykutaj kamachiykunasninta kasukunayki allinniykipaj? Diospa munayninta noqaykuwan khuska ruwayta munanaykipaj, ¿imataj yanapasonqa? Chayta yachanaykipajqa yachachejniyki yanapasonqa. Ajinamanta qanwan familiaykiwan “Diospa munakuyninpi kanallaykichejpajpuni, [...] mayqenchus wiñay kausayman apan” (Judas 21).

Chayrayku munayku Diosmanta yachakuspa ñauparinallaykitapuni. Chaypajtaj Diospa munakuyninpi kanallapuni librota estudiay mayta yanapasonqa.