UJ MANZANATA sachʼamanta pʼitiqanki, niraj canastaman churaykushaspataj miskʼi kashasqanta reparanki. Ashkha horastaña trabajaspapis mana saykʼunkichu, astawanrajtaj ruwaytapis munanki. Mamaykipis, amigoswan familiareswan parlarispa, manzanata cosechashan, paykunaqa cosechaysikoj jamorqanku. Mamaykeqa wawa kashajtiyki imaynachus karqa, ajina sipas kashan. Mana creeyta atinkichu mamayki sajra pachapi machuyasqanta rikusqaykita. Yuyarikunkitaj chay sajra pachapi onqoyrayku wañupusqanta, wañupushajtenqa ladonpi kasharqanki. Pʼampakushajtintaj ¡mayta waqarqanki! Chaywanpis kunanqa kausashan, ni imamanta onqospataj waj runaswan khuska karikushan.

Chay pʼunchayqa chayamonqapuni. Imajtinchus Jehovaqa nisqanta juntʼanpuni. Kay rakʼiypeqa ukhuncharisun, Diospa Reinon kamachishajtin imaschus juntʼakunanta, Armagedón maqanakuypitaj tukukunanta. Chay pasasqantawan imaschus juntʼakunantapis yachakullasuntaj. ¡May sumajpuni kanqa!, Diospa Reinon Jallpʼata kamachejtin, tukuy imatataj mosojyachejtin.